औद्योगिक व्यवसाय विकास प्रतिष्ठान ऐन प्रमाणीकरण

राष्ट्रपति विद्यादेवी भण्डारीले औद्योगिक व्यवसाय विकास प्रतिष्ठान ऐन, २०५३ लाई संशोधन गर्न बनेको विधेयक नेपालको संविधानको धारा ११३ को उपधारा (२) बमोजिम आज प्रमाणीकरण गरेकी छिन्।

उक्त विधेयक सङ्घीय संसद्को दुवै सदनको बैठकबाट पारित भई प्रमाणीकरणका लागि राष्ट्रपतिको कार्यालयमा पेस भएको थियो।

राष्ट्रपतिको कार्यालयका प्रवक्ता हरिप्रसाद दाहालले आज विज्ञप्तिमार्फत जानकारी दिएका हुन्।