कोरोना महामारीले अमेरिकामा फस्टायो बन्दुक व्यापार

कोरोना भाइरस ‘कोभिड १९’ को संक्रमण विश्वभर फैलिएपछि अमेरिकामा बन्दुकको व्यापार ह्वात्तै बढेको छ।

कोरोना महामारीले अमेरिकामा २० वर्षयता पुनः बन्दुक व्यापार फस्टाएको बीबीसीले जनाएको छ।

एफबीआईको तथ्यांकअनुसार अमेरिकामा मार्च महिनमा मात्र २० लाख हतियार विक्रि भएका थिए।

कोरोना प्रकोपका बेला उद्योग, काराखानहरु अमेरिकामा ठप्प हुन थालेका छन्। अमेरिका कोरोना भाइरसले सबैभन्दा प्रभावित क्षेत्र पनि हो।

त्यहाँ हालसम्म ४ लाख ५४९ जनामा कोरोनाको संक्रमण पुष्टि भएको छ। १२ हजार ८५७ को भने मृत्यु भइसकेको छ।

यसबीचमा चोरी र डकैतीका घटना बढ्ने हुनाले आफ्नो सुरक्षाका लागि अमेरिकीहरुले बन्दुक व्यापक रुपमा खरिद गरिरहेका हुन्।