भारतीय बैंकद्धारा साना तथा मझौला उद्योगलाई ५.६६ लाख करोड कर्जा स्वीकृत

भारत सरकारले कोरोना भाइरस संक्रमण रोक्न मार्च २४ देखि सुरु भएको लकडाउनबाट संकटग्रस्त बनेका साना तथा मझौला व्यवसायीलाई बचाउन सरकार स्वामित्वका बैंकहरुले ५ लाख ६६ करोड भारु कर्जा स्वीकृत गरेका छन ।

भारतमा करिब २ महिनायता जारी लकडाउन मे १७ सम्म कायम छ । यो पनि अन्तिम हो भन्ने निश्चित छैन। यसबाट संकटमा रहेका ४२ लाख साना तथा मझौला व्यवसायीलाई सरकार नियन्त्रित बैंकहरुले ५ लाख ६६ करोड भारु कर्जा प्रवाह गरेका हुन्।।

वित्तमन्त्री निर्मला सितारमणले साना तथा मझौला उद्योग, खुद्रा व्यवसाय, कृषि र सहकारी क्षेत्रलाई बचाउन ऋण प्रवाह गरिएको र लकडाउन सकिएपछि कर्जा वितरण सुरु हुने जानकारी दिइन् । उनले गैर बैंकिङ्ग वित्त कम्पनी र हाउजिङ्ग फाइनान्स कम्पनीहरुलाई पनि ७७ हजार ३८३ करोड कर्जा स्वीकृत गरेको जानकारी दिइन्।

एसोसियटेड चेम्बर अफ कमर्श एन्ड इन्डष्ट्रिजका अध्यक्ष निरन्जन हिरानन्दनीले सरकारले सार्वजनिक क्षेत्रको बाँकी रहेको रकम भुक्तानी र कर फिर्ता गरेर अर्थतन्त्रलाई पुनरुत्थान गर्नुपर्ने बताए। यसबाट मात्र २ लाख ५ हजार लाख करोड प्रणालीमा आउने उनको भनाई छ।

भारतीय अर्थतन्त्रलाई कोभिड–१९ विरुद्ध लड्न कुल ग्राहस्र्थ उत्पादन (जीडीपी) को ७ प्रतिशत अर्थात १६ लाख करोड भारु आवश्यक पर्ने जानकारहरु बताउँछन्।