काँग्रेसले बनायो विनोद चौधरीको नेतृत्वमा विशेष समिति, लगानी र रोजगारीमा परेको असर अध्ययन गर्ने

प्रमुख प्रतिपक्ष नेपाली कांग्रेसले कोरोना भाइरसले देशको विभिन्न क्षेत्रमा पारेको असर अध्ययन गरी आवश्यक कार्य गर्न साँसद तथा उद्यमी बिनोद चौधरीको संयोजकत्वमा विशेष समिति गठन गरेको छ ।

काँग्रेसले चौधरीको संयोजकत्वमा लगानी पूर्वाधार र रोजगार दृष्टिकोण तथा दिगो परियोजना केन्द्रित बिशेष समति गठन गरेको हो।

समितिमा निजी क्षेत्रबाट पार्टी राजनीतिमा सक्रिय अन्य १४ जना सदस्य रहेका छन् ।

विशेष समितिमा दिपक खड्का, उमेश श्रेष्ठ, इन्द्र बानियाँ, टेकबहादुर गुरुङ, कर्मा घले, जिपछिरिङ लामा, छत्र गिरी, सूर्यबहादुर केसी सदस्य रहेका छन् । यस्तै, अन्य सदस्यहरुमा मोहन आचार्य, तेजुलाल चौधरी, अनिल रुंगटा, विष्णुबहादुर खड्का, पूर्णबहादुर तामाङ र खगेश्वर बोहरा रहेका छन् ।

कांग्रेस केन्द्रीय समितिको वैशाख १७ को निर्णय बमोजिम अर्थतन्त्र केन्द्रित विषेश समितिपछि लगानी, पूर्वाधार र रोजगार दृष्टिकोण एवं दिगो परियोजना केन्द्रित विशेष परियोजना गठन भएको हो ।

समितिले कोरोनाका कारण लगानी, पूर्बाधार र रोजगार लगायतका क्षेत्रमा परेका समष्या र उपाय सहितको सुझाव पार्टीको अर्थतन्त्र केन्दित बिशेष समितिमा बुझाउने छ । डा रामशरण महतको नेतृत्वमा अर्थतन्त्र केन्द्रित बिशेष समिति केहीदिन अघिमात्र गठन भएको छ।

समितिले तत्काल कोरोनका कारण नेपालको लगानी पूर्वाधार र रोजगार क्षेत्रमा परेको असरलाई तत्कालीन र दूरगामी रुपमा सम्बोधन गर्ने नीतिबारे आवश्यक अध्ययन गरेर अर्थतन्त्र केन्द्रित विशेष समितिमा सुझाव पेश गर्ने जनाइएको छ ।