थप २२६ जनामा कोभिड १९ संक्रमण पुष्टि, कूल संख्या १ हजार ७९८ पुग्यो

सोमबार थप २२६ जनामा भएको कोभिड १९ संक्रमण पुष्टि छ। सोमबार पुष्टि भएका नयाँ संक्रमितमध्ये २१३ पुरुष र महिला १३ जना रहेका छन्।सोमबार डोटी सहित कूल ५९ जिल्लामा कोभिड १९ संक्रमण फैलिसकेको छ ।

स्वास्थ्य मन्त्रालयका अनुसार देशका विभिन्न प्रयोगशालामा गरिएको परीक्षणमा निम्न स्थानमा थप २२६ जनामा संक्रमण पुष्टि भएको हो।

• कोशी अस्पताल विराटनगरमा गरिएको परीक्षणमा २ जना
• प्रदेश जनस्वास्थ्य प्रयोगशाला पोखरामा गरिएको परीक्षणमा ३ जना
• कर्णाली स्वास्थ्य विज्ञान प्रतिष्ठानमा गरिएको परीक्षणमा ४३ जना
• प्रदेश अस्पताल सुर्खेत र पशुपन्छी अन्वेषण सुर्खेतमा गरिएको परीक्षणमा ३२ जना
• धुलिखेलमा गरिएको परीक्षणमा २० जना
• भेरी अस्पतालमा गरिएको परीक्षणमा ७ जना
• राप्ती स्वास्थ्य विज्ञान प्रतिष्ठान दाङमा ९ जना
• राष्ट्रिय जनस्वास्थ्य प्रयोगशाला टेकुमा ९२ जना
• सेती अस्पतालमा गरिएको परीक्षणमा १८ जना

यससँगै नेपालमा कोभिड १९ बाट संक्रमण पुष्टि हुने कूल संख्या १ हजार ७९८ पुगेको छ। जसमध्ये १ हजार ६६७ जना पुरुष र १३१ जना महिला रहेका छन्।