नेपालमा कोरोना संक्रमितको संख्या २ हजार ९१२ पुग्यो, एकैदिन २७८ थपिए

नेपालमा कोरोना संक्रमितको संख्या २ हजार ९१२ पुगको छ। पछिल्लो २४ घण्टामा थप २७८ जनामा कोरोना पुष्टि भएपछि संख्या बढेको हो।

मन्त्रालयका अनुसार २६७ जना पुरुष र ११ जना महिला रहेका छन्।

शुक्रबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता डा. विकास देवकोटाले थप २७८ जनाको पीसीआर रिपोर्ट पोजिटिभ आएको बताए।

पछिल्लो २४ घण्टामा ४३ जना डिस्चार्ज भएका छन्। योसँगै ३३३ जना कोरोनालई जितेर घर फर्केका छन्। डिस्चाज हुनेमा पुरुष २७२ र महिला ६१ जना रहेका छन् ।