हकप्रद र मर्जरको एजेन्डा राखेर सबैको लघुवित्तले लाभांश पारित गर्न बोलायो साधारण सभा

सबैको लघुवित्तले गत आर्थिक बर्षको लाभांश सहितका प्रस्ताव पारित गर्न मंसिर २१ गते शनिवार बन्दीपुरको मर्स्याङ्दी भ्यु रिसोर्टमा बार्षिक साधारण सभा आह्वान गरेको छ ।

उक्त साधारण सभाले आर्थिक बर्ष ७५/७६ सम्मको मुनाफाबाट १३ प्रतिशत बोनस शेयर र ०.६८ प्रतिशत नगद लाभांश गरि कुल १३.६८ प्रतिशत लाभांश वितरणको प्रस्ताव गरेको हो ।

हाल कम्पनीको चुक्ता पूँजी १६ करोड ५० लाख रहेको छ । बोनसपछि कम्पनीको चुक्ता पूँजी १८ करोड ६४ लाख पुग्ने छ । त्यस पश्चात कायम पूँजीको एक बराबर एकको अनुपातमा हकप्रद निष्काशन गर्ने प्रस्ताव पनि सभामा पेश गर्ने भएको छ ।

यसैगरी वित्तीय विवरणहरु पारित गर्ने, आवश्यकता बमोजिम प्रबन्धपत्र र नियमावली संशोधन गर्ने, सर्वसाधारण समुह तर्फबाट २ जना संचालक नियुक्त गर्ने, मर्जर र प्राप्तिको लागि संचालक समितिलाई अख्तियारी दिने लगायतका प्रस्ताव साधारण सभाबाट पारित गर्ने कम्पनीले जनाएको छ ।

कम्पनीले साधारण सभा प्रयोजनको लागि मंसिर ५ गतेदेखि बुक क्लोज गर्ने निर्णय गरेको छ । यसर्थ मंसिर ४ गतेसम्म कायम शेयरधनीले साधारणसभामा भाग लिन प्रस्तावित लाभांश पाउन सक्ने छन् ।