शनिबार विहान ३२ जनामा कोरोना पुष्टि, संक्रमितको संख्या ५४८

शनिबार विहान थप ३२ जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयले जारी गरेको विज्ञप्ति अनुसार कपिलवस्तु ,सर्लाही, बारा, रुपन्देही र चितवनमा नयाँ संक्रमित फेला परेका हुन्। यो सहित संक्रमित हुनेको कूल संख्या ५४८ पुगेको छ।

राष्ट्रिय जनस्वास्थ्य प्रयोगशाला काठमाडौंमा गरिएको परीक्षणमा कपिलवस्तुको बाणगंगा नगरपालिकाका १७, १९, २२, २९, ३५, ४० र ४२ वर्षीय पुरुष र २७ वर्षीया महिलामा संक्रमण पुष्टि भएको हो।

त्यस्तै सर्लाहीको गोडैता कविलासी नगरपालिकामा १८ वर्षिय एक जना २० वर्षीय तीनजना, २१, २२, २३, एक/एक जना २६ वर्षीय दुईजना, २८, ३३ एक/एक जना र ३५ वर्षीय दुईजना पुरुषमा संक्रमण देखिएको छ।

बाराको करैयामाइ गाउँपालिकामा ३७ वर्षीया महिला र काठमाडौंमा ३५ वर्षीय पुरुषमा संक्रमण देखिएको हो। प्रादेशिक जनस्वास्थ्य प्रयोगशाला भैरहवामा गरिएको परीक्षणमा रुपन्देहीको गैडहवा र रोहिणी गाउँपालिकामा २० वर्षीय दुईजना, २४ वर्षीय दुईजना, २७ वर्षीय, ३० वर्षीय दुईजना र ५० वर्षीय पुरुषमा संक्रमण पुष्टि भएको हो।

भरतपुर अस्पताल कोभिड १९ प्रयोगशालामा गरिएको परीक्षणमा चितवनका ५२ वर्षीय पुरुषमा संक्रमण देखिएको छ।