एकैदिन ३१ कम्पनीको शेयरमूल्य सर्किट लेबलमा कारोबार, हाइड्रोको लगानीकर्ता मालामाल

शेयर बजार सात महिनापछि १ हजार ६०० बिन्दुमाथि पुग्दा बुधबार एकैदिन ३१ कम्पनीके शेयरमूल्य सकारात्मक सर्किट लेबलमा कारोबार भएको छ । बुधबार कारोबारमा आएका १९५ कम्पनीमध्ये ३१ कम्पनीको शेयरमूल्य ९ प्रतिशत धेरैले बढेर कारोबार भएको हो ।

आजको बजारमा बरुण हाइड्रोपावर, नेशनल हाइड्रोपावर, साञ्जेन जलविद्युत कम्पनी, र कर्णाली विकास बैंकको शेयरमूल्य १० प्रतिशतले बढेर कारोबार भएको छ ।

यसैगरी समृद्धि फाइनान्स, दिव्यश्वरी हाइड्रोपावर, आँखुखोला जलविद्युत कम्पनी, तिनाउ मिसन डेभलपमेन्ट बैंक, घलेम्दी हाइड्रोपवार, खानीखोला हाइड्रोपावर, नेपाल हाइड्रो डेभलोपर कम्पनी, छ्याङ्दी हाइड्रोपावर, रैराङ हाइड्रोपावर, माउन्टेन हाइड्रो नेपाल लिमिटेड, सांग्रिला डेभलपमेन्ट बैंक, एचआईडीसीएल, पाँचथर पावर, अपि पावर, पोखरा फाइनान्स, जोशी हाइड्रोपावर, युनियन हाइड्रोपावर, ङादी ग्रुप पावर, हिमाल दोलखा हाइड्रोपावर, कालिका पावर, युनिभर्सल हाइड्रोपावर कम्पनी, रिडी हाइड्रोपावर, युनाइटेड मोदी हाइड्रोपावर, हिमालयन उर्जा, अरुण भ्याली हाइड्रोपावर, नेपाल फाइनान्स र रसुवागढी हाइड्रोपावरको शेयरमूल्य ९ प्रतिशत धेरैले बढेको हो ।

आजको बजारमा हाइड्रोपावर कम्पनीहरुको शेयरमा लगानी गरेका लगानीकर्ता मालामाल भएका छन् । अधिकांश जलविद्युत कम्पनीको शेयरमूल्य बढ्दा यस उपसमूहको सूचक साढे ५ प्रतिशत धेरैले बढेको छ ।

Top Gainers

आज लक्ष्मी इक्विटी फन्डका इकाइधनीहरुले धेरै ३.११ प्रतिशतका दरले गुमाएका छन्। यसैगरी महिला सहयात्रा लघुवित्त, गुराँस लघुवित्त, र सबैको लघुवित्तका शेयरमा लगानी गर्ने लगानीकर्ताले २ प्रतिशत धेरैले गुमाएका छन् ।

अन्य ९ कम्पनीको शेयरमूल्य १ प्रतिशत धेरै र ३० कम्पनीको शेयरमूल्य १ प्रतिशतभन्दा कमले घटेको छ ।

Top Losers

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।