नेप्से सूचक १ हजार ७०० बिन्दुमाथि, ६ कम्पनीको शेयरमूल्यमा सकारात्मक सर्किट

शेयर बजार सूचक मापक नेप्से सूचक बुधबार १ हजार ७०७ बिन्दुमा पुगेको छ । २८.८९ अंकले बढेको बुलिस बजारमा १९५ कम्पनीका १ करोड २५ लाख २३ हजार ६५१ कित्ता शेयर ३६ हजार ८९३ पटक खरीद बिक्री हुँदा कारोबार रकम ४ अर्ब ९ करोड ९६ लाख ४ हजार ७४२ रुपैयाँको शेयर कारोबार भएको हो ।

कारोबारमा आएका १२ उपसमूहका सूचकमध्ये वित्त बाहेक सबै उपसमूहमा हरियाली छाएको छ । ब्यापार सूचक सबैभन्दा धेरै ९.९९ प्रतिशतले बढेको बजारमा उत्पादमूल ६.२९ प्रतिशत, म्युचुअल फण्ड ४.९८ प्रतिशत, अन्य ४.१२ प्रतिशत र निर्जीबन बीमा ४.०२ प्रतिशतले बढोत्तरी भएको छ ।

• नेपाल टेलिकमको सर्वाधिक कारोबार

आज नेपाल टेलिकमको सबैभन्दा धेरै २५ करोड ९० लाख रुपैयाँको शेयर कारोबार भएको छ । यसैगरी हिमालयन डिष्टिलरी १८ करोड ८६ लाख, एनआईसी एशिया बैंकको १५ करोड ६५ लाख, नागरिक लगानी कोषको १५ करोड ४५ लाख, नेपाल लाइफको १५ करोड १५ लाख, र नेपाल रि इन्सयोरेन्सको १५ करोड १० लाखको कारोबार भएको छ ।
शिवम् सिमेन्ट, अपि पावर, शिखर इन्स्योरेन्स, र सूर्या लाइफको शीर्ष कारोबार भएको छ ।

• बुधबार ६ कम्पनीको शेयरमूल्यमा सकारात्मक सर्किट

बुधबारको बजारमा ६ कम्पनीको शेयरमूल्यमा सकारात्मक सर्किट लागेको छ । सानिमा जनरल इन्स्योरेन्सको छैटौं कारोबार दिन सहित साल्ट ट्रेडिङ्ग कर्पोरेशन, लक्ष्मी इक्वीटी फण्ड, नागरिक लगानी कोष, बिशाल बजार कम्पनी, र एनआईसी एशिया ग्रोथ फण्डको इकाइमूल्यमा ९ प्रतिशत धेरैको वृद्धि देखिएको हो ।

यसैगरी नागरिक लगानी कोष संस्थापक, हिमालयन डिष्टिलरी, शिवम् सिमेन्टस्, र सिटिजन्स म्युचुअल फण्ड १ को इकाई पनि शीर्ष बढ्ने दश कम्पनीमा समेटिएका छन् । दशौं ठूलो शेयरमूल्य बढेको सिटिजन्स म्युचुअल फण्ड १ को ७.५२ प्रतिशतले बढेको छ ।

• आइसीएफसी फाइनान्सको शेयरमूल्य धेरै घट्यो

बुधबारको बजारमा आइसीएफसी फाइनान्सको शेयरमूल्य धेरै घटेको छ । फाइनान्सको शेयरमूल्य ४.७८ प्रतिशत अर्थात १५ रुपैयाँले घटेको छ ।

यसैगरी सेन्ट्रल फाइनान्स, निर्धन उत्थान लघुवित्त, माउन्टेन हाइड्रोपावर, सप्तकोशी डेभलपमेन्ट बैंक, हिमालयन पावर पार्टनर, कामना सेवा विकास बैंक, एनआरएन लघुवित्त, कालिका लघुवित्त र सबैको लघुवित्तको शेयरमूल्य घटेको छ ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।