मेरो माइक्रोफाइनान्सको लाभांश पाउन पुस १६ गतेसम्म शेयरधनी बन्नुपर्ने

मेरो माक्रोफाइनान्स लघुवित्त वित्तीय संस्था (MERO) ले गत आर्थिक वर्षको नाफाबाट शेयरधनीलाई वितरण गर्न प्रस्ताव गरेको १७.८३ प्रतिशत लाभांश पाउन पुस १६ गते बिहीबारसम्म शेयरधनी बन्नुपर्ने भएको छ ।

लघुवित्त सञ्चालक समितिको १०४ औं संचालक समितिको बैठकले पुस २८ गते मंगलबार साधारण सभा आह्वान गर्दै पुस १७ गते शुक्रबार देखि शेयर दाखिला खारेजी गर्ने मिति तोकेको छ ।

यसअनुसार पुस १६ गते बिहिबारसम्म नेप्सेमा कारोबार भई कायम रहने शेयरधनीले मात्र लाभांश पाउनेछन् । बुकक्लोजको अघिल्लो कारोबार दिनसम्म कायम रहने शेयरधनीले मात्र सम्बन्धीत संस्थाले प्रस्ताव गरेको लाभांश पाउनुका साथै सभामा सहभागिता जनाउन सक्नेछन् ।

लघुवित्तले होटल वाटर टावर,विदुर ४ वट्टार ,नुवाकोटको सभा कक्षमा बिहान ११ बजे आठौँ वार्षिक साधारण सभा आह्वान गरेको छ ।

सभाले आर्थिक वर्ष २०७६/०७७ को मुनाफाबाट शेयरधनीहरुलाई वितरण गर्न लाभांश प्रस्तावित १६.९३३९ प्रतिशत बोनश शेयर र ०.८९१६ प्रतिशत नगद गरी कुल १७.८३१५ प्रतिशत लाभांश लगायतका अन्य प्रस्तावहरु उपर छलफल गरी अनुमोदन गर्ने एजेण्डा समावेश छ ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।