सिटिजन्स बैंकले तोक्यो बुकक्लोज

✍️ नोटबजार संवाददाता।
काठमाण्डौं।
१३आश्विन, २०७८, बुधबार / Sep 29, 2021 10:49:am

सिटिजन्स बैंक (CZBIL) ले लाभांश वितरण तथा साधारण सभा प्रयोजनको लागि शेयर दाखिल खारेजी (बुकक्लोज) मिति तोकेको छ ।

बैंकले १५ औं वार्षिक साधारण सभा प्रयोजनको लागि असोज २२ गते एक दिन बुकक्लोज गर्ने भएको हो ।

यसअनुसार असोज २१ गतेसम्म नेप्सेमा शेयर कारोबार भई कायम शेयरधनीले मात्र उक्त सभामा भाग लिन र लाभांश प्राप्त गर्न सक्नेछन् ।

बैंकले आर्थिक वर्ष २०७७/७८ को नाफाबाट आफ्ना शेयरधनीलाई चुक्ता पूँजीको १२.९१३ प्रतिशत बोनस शेयर र ३.०८७ प्रतिशत नगद गरी १६ प्रतिशत लाभांश वितरण्ण गर्ने प्रस्ताव गरेको छ । 

हाल बैंकको चुक्ता पूँजी १२ अर्ब ५७ करोड रहेको छ । यसअनुसार बैंकले लाभांश वितरणका लागि २ अर्ब १ करोड २३ लाख ०७ हजार ६९८ दशमलव ३४ रुपैयाँ वितरण गर्नेछ । जसमध्ये १ अर्ब ६२ करोड ४० लाख ५० हजार ८९१ रुपैयाँ १० रुपैयाँ बराबरको बोनस शेयर र कर प्रयोजन सहित चुक्ता पूँजीको ३.०८७ प्रतिशतका दरले हुन आउने ३८ करोड ८२ लाख ५६ हजार ८०७ दशमलव २४ रुपैयाँ बराबरको नगद लाभांश रहेको छ ।

बैंकको लाभांश १५ औं वार्षिक साधारण सभाले पारित गरेपछि लगानीकर्तामा वितरण हुनेछ ।

📣  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।


Share on:


Comments