इन्फिनिटी लघुवित्तको एजिएम आह्वान, लाभांश पाउन कहिलेसम्म बन्नुपर्छ शेयरधनी ?

इन्फिनिटी लघुवित्त वित्तीय संस्थाले चौंथो साधारण सभा आह्वान गरेको छ ।

लघुवित्त सञ्चालक समितिको पुस २७ गते सम्पन्न बैठकले माघ २४ गते गते शनिबार बिहान ११ बजे केन्द्रीय कार्यालय गैँडाकोट नवलपुरमा सभा डाकेको हो ।

साधारण सभा तथा गत आर्थिक वर्षको नाफाबाट प्रस्तावित लाभांश वितरण प्रयोजनका लागि लघुवित्तले माघ ९ गते बुक क्लोज मिति तोकेको छ । यसअनुसार माघ ८ गते बिहिबारसम्म नेप्सेमा कारोबार भई कायम शेयरधनिले मात्र लाभांश र साधारण सभामा उपस्थित जनाउन पाउनेछन् ।

लघुवित्तको सभाले आ.व.२०७६/०६६ को मुनाफाबाट शेयरधनीहरुलाई १४.२५ प्रतिशत बोनस शेयर र बोनसमा लाग्ने कर प्रयोजनका लागि ०.७५ प्रतिशत नगद लाभांश वितरण गर्ने प्रस्ताव अनुमोदन गर्नेछ ।

त्यस्तै संस्थाले एक वा एकभन्दा बढी उपयुक्त संस्थाहरु गाभ्ने/गाभिने तथा प्राप्ति हुन जाने प्रयाजनका लागि उपयुक्त लघुवित्त वित्तीय संस्थाहरु पहिचान गर्ने, समझदारी पत्रमा हस्ताक्षर गर्ने लगाएतका प्रस्तावहरु पारित गर्नेछ ।

विश्वव्यापी रुपमा फैलिरहेको कोरोना माहामारीका कारण भर्चुअल माध्यमबाट साधारण सभा सम्पन्न गर्ने जनाइएको छ ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।