गुहेश्वरी मर्चेण्ट एण्ड फाइनान्सको नगद लाभांश शेयरधनीको बैंक खातामा

गुहेश्वरी मर्चेण्ट एण्ड फाइनान्स (GMFIL) ले गत आर्थिक वर्षको नाफाबाट प्रस्ताव गरी साधारण सभाबाट पारित गरेको ३.४ प्रतिशत नगद लाभांश वितरण गरेको छ ।

फाइनान्सको पुस २८ गते सम्पन्न भएको १९ औं साधारण सभाबाट ८.३० प्रतिशत बोनस शेयर र ३.४ प्रतिशत नगद लाभांश पारित भएको थियो ।

फाइनान्सले साधारण सभाका लागि बुकक्लोजको अघिल्लो दिनसम्म शेयर डिम्याट गरी डिम्याट खातामा बैंक खाता अद्यावधिक गराएका शेयरधनीको बैंक खातामा क्लियरिङ्ग हाउसको आईपीएस मार्फत लाभांश वितरण गर्ने भएको हो ।

फाइनान्सले लाभांश र साधारण सभा प्रयोजनका लागि पुस २१ गते मंगलबार बुकक्लोज मिति तोकेको थियो । यसअनुसार बुकक्लोजको अघिल्लो कारोबार दिन सोमबारसम्म कायम रहेका शेयरधनीले मात्र लाभांश पाउनेछन् ।

फाइनान्सले हालसम्म कागजी शेयर धारण गरेका शेयरधनीलाई शेयर डिम्याट गर्न र शेयर धितो राखि कर्जा लिएका शेयरधनीलाई सम्बन्धीत संस्थाबाट नो अब्जेक्सन लेटर पेश गरेपछि मात्र लाभांश वितरण गरिने जनाएको छ ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।