इन्फिनिटी लघुवित्तको लाभांश सुरक्षित गर्ने आज अन्तिम दिन

इन्फिनिटी लघुवित्त वित्तीय संस्था (ILBS) ले गत आर्थिक वर्षको नाफाबाट शेयरधनीलाई वितरणगर्न प्रस्ताव गरेको १५ प्रतिशत लाभांश सुरक्षित गर्ने बिहीबार अन्तिम दिन रहेको छ ।

लघुवित्तको सञ्चालक समितिको पुस २७ गते सम्पन्न बैठकले माघ २४ गते गते शनिबार बिहान ११ बजे केन्द्रीय कार्यालय गैँडाकोट नवलपुरमा आह्वान गरेको चौंथो साधारण सभा तथा लाभांश प्रयोजनका लागि माघ ९ गते बुकक्लोज मिति तोकेको छ । यसअनुसार माघ ८ गते बिहिबारसम्म नेप्सेमा कारोबार भई कायम शेयरधनिले मात्र लाभांश र साधारण सभामा उपस्थित जनाउन पाउनेछन् ।

लघुवित्तको सभाले आ.व. २०७६र०६६ को मुनाफाबाट शेयरधनीहरुलाई १४.२५ प्रतिशत बोनस शेयर र बोनसमा लाग्ने कर प्रयोजनका लागि ०.७५ प्रतिशत नगद लाभांश वितरण गर्ने प्रस्ताव अनुमोदन गर्नेछ ।

त्यस्तै संस्थाले एक वा एकभन्दा बढी उपयुक्त संस्थाहरु गाभ्ने/गाभिने तथा प्राप्ति हुन जाने प्रयाजनका लागि उपयुक्त लघुवित्त वित्तीय संस्थाहरु पहिचान गर्ने, समझदारी पत्रमा हस्ताक्षर गर्ने लगाएतका प्रस्तावहरु पारित गर्नेछ ।

विश्वव्यापी रुपमा फैलिरहेको कोरोना माहामारीका कारण भर्चुअल माध्यमबाट साधारण सभा सम्पन्न गर्ने जनाइएको छ ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।