बैंकिङ उपसमूह बढेपछि नेप्सेमा सुधार, ग्लोबल आइएमई बैंकको उच्च कारोबार

बैंकिङ्ग उपसमुहमा सुधार आएसँगै बुधबार शेयर बजारले सरकारात्मक मोड लिएको छ । मंगलबार २९ अंकले घटेपछि बुधबार ८.६६ अंक बढेर नेप्से २५४३.०३ विन्दुमा पुगेको छ ।

बुधबारको बजारमा १९१ कम्पनीका १ करोड ४९ लाख ६ हजार ७७ कित्ता शेयर ६२ हजार १५ पटक खरिद बिक्री हुँदा कारोबार रकम ७ अर्ब ६४ करोड ९४ लाख ११ हजार रुपैयाँ पुगेको छ । यो रकम मंगलबारको तुलनामा ४९ करोड ६८ लाख रुपैयाँ कम हो । मंगलबार ८ अर्ब १४ करोड ६२ लाखको शेयर कारोबार भएको थियो ।

आज कारोबारमा आएका १२ उपसमूहमध्ये ५ उपसमूहको परिसूचक बढेको छ भने ७ वटा घटेको छ । वित्त सर्वाधिक ३.२७ प्रतिशत बढ्दा होटल, २.१४ प्रतिशत र बैंकिङ्ग इन्डेक्स १.५ प्रतिशत बढेको छ । व्यापार ३.२१ प्रतिशत घटदा उत्पादन र लघुवित्तको सूचक पनि १ प्रतिशत बिन्दुभन्दा धेरैले घटेको छ ।

• ग्लोबल आइएमई बैंकको सर्वाधिक कारोबार

बुधबार ग्लोबल आइएमई बैंकको सर्वाधिक कारोबार भएको छ । बैंकको ११ लाख ७१ ह्जार कित्ता शेयर ५२ करोड २ लाख रुपैयाँ बराबरमा खरीद बिक्री भएका हुन् ।

यसैगरी प्रभु बैंकको ४६ करोड ८ लाख, कुमारी बैंकको ३७ करोड १४ लाख र शिखरको ३३ करोड ३७ लाख रुपैयाँ बढीको शेयर कारोबार भएको छ । एनसीसी बैंक, डिप्रोक्स लघुवित्त, नेपाल लाइफ, नेपाल टेलिकम, नेको इन्स्योरेन्स र नबिल बैंकको उच्च कारोबार भएको छ । दशौं ठूलो कारोबार भएको नबिल बैंकको १५ करोड धेरैको शेयर कारोबार भयो ।

• तीन कम्पनीको सकारात्मक सर्किट लेभलमा कारोबार

बुधबार गोर्खाज फाइनान्स, गुहेश्वरी मर्चेन्ट बैंकिङ्ग एण्ड फाइनान्स र आइसीएफसी फाइनान्सको गरी तीन कम्पनीको शेयर सकारात्मक सर्किट लेभलमा कारोबार भएको छ ।

रिलायन्स फाइनान्स, कुमारी बैंक, ग्लोबल आइएमई बैंक, ओरियन्टल होटल, हिमालयन पावर पार्टनर, आइएमई जनरल इन्स्योरेन्स र प्रभु बैंकको शेयरमूल्य बढेको छ ।

बुधबारको बजारमा साधना लघुवित्त वित्तीयको शेयरमूल्य सबैभन्दा धेरै ६.३८ प्रतिशत घटेको छ । एभरेष्ट इन्स्योरेन्स कम्पनीको संस्थापक, सपोर्ट माइक्रोफाइनान्स, साल्ट ट्रेडिङ्ग, बोटर्लि नेपाल तराई, उन्नति सहकार्य लघुवित्त, माउन्टेन हाइड्रो नेपाल लिमिटेड, नेशनल हाइड्रोपावर, र बुटवल पावर कम्पनीको शेयरमूल्य घटेको छ ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।