घटेको बजारमा शेयर उठाउनेहरु सक्रिय हुँदा कारोबारको साथ

यस साताको चौथो दिनको शेयर बजार पनि राताम्मे भएको छ । झण्डै ४० अंकले घटेको बजारमा सस्ता मूल्यका शेयर उठानेहरु सक्रिय हुँदा कारोबार रकममा भने सुधार आएको छ ।

मंगलबार र बुधबार गरेर शेयर बजार एक सय अंकले घटेको छ । बजार घटेपनि सस्तो मूल्यमा शेयर उठाउनेहरुको सक्रियता कायमै रहँदा कारोबार रकमले साथ दिएको छ । बुधबारको बजारमा व्यापार र होटल तथा पर्यटन बाहेकका सबै समूहका सूचकहरु राताम्मे भएका छन् ।

साल्ट्र ट्रेड्रिङको मूल्यमा सकारात्मक सर्किट लाग्दा व्यापार समुह ९.२६ प्रतिशतले बढेको छ । चन्द्रागिरीको मूल्य दश प्रतिशतले बढ्दा होटल तथा पर्यटन समुह सकारात्मक रह्यो । अन्य समुहका सूचक भने ओरालो लागेका छन् ।

बुधबार समग्र नेप्से सूचक ३९.२३ अंकले घटेर २४१६ अंकमा झरेको छ । यसदिन २१२ कम्पनीको १ करोड १३ लख ९२ हजार कित्ता शेयर ६ अर्ब २५ करोड ४८ लाख रुपैयाँ बराबरमा किनबेच भए । कारोबार रकम अघिल्लो दिनको भन्दा १४ करोड बढी हो । मंगलबार ६ अर्ब ११ करोड ९६ लाख बराबरको शेयर किनबेच भएको थियो ।

NEPSE	2,416.00	39.23	1.6
Sensitive	436.80	7.12	1.6
Float	166.57	2.37	1.41
Sen. Float	142.25	1.59	1.1

Sub-Indices	Current	Points Change	% Change
Banking	1,756.09	17.3	0.98
Trading	3,617.21	306.54	9.26
Hotels And Tourism	2,169.81	35.17	1.65
Development Bank	2,507.11	32.68	1.29
HydroPower	1,909.36	20.32	1.05
Finance	1,116.29	12.32	1.09
No Life Insurance	12,446.56	167.88	1.33
Manu. & Pro.	5,215.40	87.58	1.65
Others	1,908.44	84.35	4.23
Microfinance	4,131.25	56.43	1.35
Life Insurance	16,361.39	452.53	2.69
Mutual Fund	12.94	0.13	1
Investment	93.48	2.26	2.36

यसदिन नेपाल टेलिकमको शेयर भाउ घटेर उच्च कारोबार भयो । बजारमा बोनश हल्ला चलाइएको भएपनि टेलिमकले प्रतिकित्ता ४० रुपैयाँ नगद लाभांश वितरण गर्ने प्रस्ताव गरेपछि शेयर भाउ घटेको हो । टेलिमको करिब ३० करोड बराबरको शेयर खरिदबिक्री भएको छ । यस्तै एशियन लाइफ इन्स्योरेन्सले पनि लाभांश नदिने भएपछि शेयर बिक्रीको चाप परेको छ । जसको २८ करोड बढीको किनबेच भयो ।

साल्ट ट्रेडिङ्ग र चन्दा्गिरी हिल्सको शेयरमूल्यमा सकारात्मक सर्किट लाग्दा हिमालयन पावर पार्टनर तथा नेशनल हाइड्रो लगायतका कम्पनीको शेयरमूल्य बढेको छ । एशियनल लाइफको सबैभन्दा धेरै ६ प्रतिशत बढीले शेयर मूल्य घटेको बजारमा वरुण हाइड्रो, नेपाल टेलिकम लगायतको शेयरमूल्य ५ प्रतिशत धेरैले घटेको छ ।