फर्स्ट माइक्रोफाइनान्सको संस्थापक शेयर खरीद गर्ने आज अन्तिम दिन

फर्स्ट माइक्रोफाइनान्स (FMDBL) ले लिलामीमा ल्याएको संस्थापक शेयर खरीद गर्ने आज अन्तिम दिन रहेको छ ।  कम्पनीले गत चैत ३ गतेदेखि संस्थापक समूहको २५ हजार कित्ता शेयर लिलाम बढाबढमा बिक्रीमा ल्याएको थियो ।

इच्छुक योग्य लगानीकर्ता (विद्यमान संस्थापकहरु वा जो कोही व्यक्ति, कम्पनी, संघ, संस्थाहरु) हरुले प्रतिकित्ता न्यूनतम मूल्य २७५ रुपैयाँ वा सोभन्दा बढी प्रतिस्पर्धी मूल्यमा ५ हजार कित्ता वा १० ले भाग जानेगरी सम्पूर्ण शेयरका लागि आज कार्यालय समयभित्र आवेदन दिन सक्नेछन् ।

शिलबन्दी बोलपत्र बैशाख ७ गते बिहान १० बजे मुक्तिनाथ कमलादी, काठमाडौँमा खोलिने जनाइएको छ ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।