खोप खरीदका लागि पौने २७ अर्ब बजेट, सबै नागरिकलाई निःशुल्क खोप

सरकारले कोरोनाविरुद्धको खोपका लागि २६ अर्ब ७५ करोड बजेट विनियोजन गरेको छ ।

 

अर्थमन्त्री विष्णुप्रसाद पौडेलले आज सार्वजनिक गरेको आगामी आर्थिक वर्षको बजेटमा सबै नेपाली नागरिकलाई निःशुल्क खोप उपलब्ध गराइने जानकारी दिए ।

 

सरकारले यसअघि भारतबाट नेपाली सेनाको समेत गरी ११ लाख र  चीनबाट अनुदानमा आठ लाख मात्रा खोप ल्याइसकेको छ । 

 

बजेटमा भाषणमार्फत् सबै नागरिकलाई कोभिड–१९ विरुद्ध चाँडै निःशुल्क खोप उपलब्ध गराइने भएको छ । अहिले सार्वजनिक भइरहेको उक्त बजेटमा खोपका लागि २६ अर्ब ७५ करोड रकम विनियोजन गरिएको छ ।

 

जनताको जीवन रक्षा गर्नु सरकारको मुख्य लक्ष्य भएको अर्थमन्त्री पौडेलले बजेटको प्राथमिकतामा उल्लेख गरेका छन्।