समृद्धि फाइनान्सको झण्डै १४ लाख कित्ता संस्थापक शेयर लिलामीमा 

समृद्धि फाइनान्सले असार ३ गतेदेखि झण्डै १४ लाख कित्ता संस्थापक शेयर लिलामी गर्ने भएको छ। 

 

कम्पनीले हकप्रद नबिकेको १३ लाख ८० हजार ७१८ कित्ता संस्थापक शेयर असार १० गते बाट लिलामी खुला गर्ने जनाएको छ । कम्पनीले गत मंसिर हकप्रद शेयर विक्री खुला गरेको थियो।

 

लिलामीको शेयर खरीद गर्न योग्य व्यक्ति, कम्पनी तथा संघ संस्थाले असार ३ गतेदेखि असार १० गतेसम्म बोलपत्र पेश गर्न सक्नेछन् । उक्त शेयरको न्यूनतम मूल्य १०० रुपैयाँ तोकिएको छ । 

 

आवेदकले तोकिएको मूल्य वा सोभन्दा बढी मूल्य अंकित गरी बोलकबोल गर्नुपर्ने हुन्छ ।  यो शेयर खरीदका लागि बोलकबोल गर्दा न्यूनतम १०० कित्तासम्म आवेदन दिन सकिन्छ भने अधिकतम शेयर संख्याका लागि कुनै हद नलाग्ने कम्पनीले जानकारी दिएको छ । 

 

कम्पनीको शेयर विक्री प्रबन्धकमा बिओके क्यापिटल मार्केट लिमिटेड रहेको छ ।