नेप्सेमा ८१ अंकको वृद्धिपछि मंगलबार सामान्य करेक्शन, साढे १६ अर्बको शेयर कारोबार

नेप्सेमा आइतबार र सोेमबारको वृद्धिपछि मंगलबार शेयर बजारमा मंगलबार सामान्य करेक्शन आएको छ ।

मंगलबार नेप्से ३.७२ अंकले घटेर ३०२२. ११ बिन्दुमा बन्द भएको छ ।

नेपाल स्टक एक्सचेन्जका अनुसार ठूला कम्पनीको सूचक मापक सेन्सेटिभ सूचक भने ०.२५ अंकले बढेर ५५०.२६ बिन्दुमा बन्द भएको छ ।

आज कूल २२६ कम्पनीको ३ करोड ९ लाख ४८ हजार ८५३ कित्ता शेयर १ लाख ६४ हजार ७९० पटक खरिद बिक्री हुँदा कारोबार रकम १६ अर्ब ५२ करोड ८७ लाख ४९ हजार ७३८ रुपैयाँ पुगेको छ ।

सोमबार नेप्से ४२.७२ अंकले बढेर ३०२५.८३ बिन्दुमा पुग्दा कारोबार रकम हालसम्मकै उच्च १९ अर्ब ५५ करोड १ लाख ६६ हजार ६३६ रुपैयाँ पुगेको थियो ।

अन्य समुहको सूचकमा सर्वाधिक बढोत्तरी

मंगलबार कारोबारमा आएका १३ समूहका सूचकमध्ये ५ वटा समूहको सूचक बढेको छ भने ८ वटाको घटेको छ । आज अन्य समुहको सूचकमा सर्वाधिक बढोत्तरी भएको छ । अन्यको सूचक ३.९९ प्रतिशतले बढेको हो ।

यसैगरी लगानी, होटल तथा टुरिजम्, र उत्पादन तथा प्रशोधनको सूचक १ प्रतिशत धेरैले बढेको छ । उता विकास बैंकको सूचक ४.४२ प्रतिशतले घटेको छ । यसैगरी फाइनान्स ३.२९ प्रतिशत र जलविद्युतको सूचक २.८० प्रतिशतले घटेको छ ।

नेपाल पुनर्बीमा कम्पनीको सर्वाधिक कारोबार

मंगलबार नेपाल पुनर्बीमा कम्पनीको सर्वाधिक कारोबार भएको छ । पुनर्बीमाको ७६ करोड १२ लाख रूपैयाँ बराबरको कारोबार भएको हो । यसैगरी हाइड्रोइलेक्ट्रीसिटी इन्भेष्टमेन्ट एण्ड डेभलपमेण्ट कम्पनीको ५२ करोड २४ लाख रुपैयाँको शेयर कारोबार भएको छ ।

हिमालयन डिष्टीलरीको ४२ करोड, अरूण भ्याली हाइड्रोपावर र नेशनल हाइड्रोपावरको ३४ करोड, लुम्बिनी विकास बैंकको ३२ करोड, अपि पावर कम्पनीको ३० करोड, नेपाल बैंकको २८ करोड र कामना सेवा विकास बैंक र नेपाल इन्स्योरेन्स कम्पनीको २७ करोड धेरै कारोबार भएको छ ।

तीन कम्पनीको शेयरमूल्यमा सकारात्मक सर्किट

मंगलबारको बजारमा तीन कम्पनीहरुले सिइडिबी हाइड्रोपावर, खानीखोला हाइड्रोपावर, युनियन हाइड्रोपावरको शेयरमूल्यमा सकारात्मक सर्किट लागेको छ ।

यसैगरी हाइड्रोइलेक्ट्रीसिटी इन्भेष्टमेन्ट एण्ड डेभलपमेण्ट कम्पनी र ओरियन्टल होटलको मूल्य ५ प्रतिशत धेरैले बढ्दा नेपाल टेलिकम, हिमालयन डिष्टीलरीको ४ प्रतिशतभन्दा धेरै बढेको छ भने प्रुडेन्सियल इस्योरेन्स, नेपाल इन्स्योरेन्स कम्पनी र नेपाल पुनर्बीमा कम्पनीको ३ प्रतिशत धेरैले मूल्य बढेको छ ।

छ्याङ्दी हाइड्रोपावरको शेयरमूल्यमा नकारात्मक सर्किट

मंगलबार छ्याङ्दी हाइड्रोपावरको शेयरमा लगानी गरेकाले सबैभन्दा धेरै गुमाएका छन् ।

यसैगरी लिबर्टी इनर्जीको ७.०२ प्रतिशत तथा बरूण हाइड्रोपावर, गुहेश्वरी मर्चेन्ट बैंकिङ्ग एण्ड फाइनान्स, रैराङ्ग हाइड्रोपावर, श्री इन्भेष्टमेन्ट फाइनान्स, नेपाल हाइड्रो डेभलपर्स, सेन्ट्रल फाइनान्स, सप्तकोशी डेभलपमेन्ट बैंक र समृद्धि फाइनान्सको मूल्य ६ प्रतिशत धेरैले घटेको छ ।

? समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।