समृद्धि फाइनान्सको ११ लाख ३५ हजार कित्ता संस्थापक शेयर लिलामीमा

समृद्धि फाइनान्स कम्पनी लिमिटेडले असार २९ गतेदेखि ११ लाख ३५ हजार ५५८ कित्ता संस्थापक शेयर लिलामी प्रकृयाबाट विक्री खुला गर्ने भएको छ ।

कम्पनीले अवितरित हकप्रद शेयर विक्री गर्न लागेको हो । कम्पनीले गत असार ३ गतेदेखि १० गतेसम्म हकप्रद शेयर विक्री खुला गरेको थियो।

यो शेयर खरीदका लागि असार साउन ५ गतेसम्म गोप्य शिलबन्दी बोलपत्र पेश गर्न सकिनेछ । यो शेयरको न्यूनतम मूल्य १०० तोकिएकाले सो वा सोभन्दा बढी मूल्य अंकित गरी बोलकबोल गर्नुपर्नेछ ।

उक्त शेयरमा बोलपत्र पेश गर्दा न्यूनतम १०० कित्तादेखि अधिकतम सम्पूर्ण कित्तासम्म माग गर्न सकिने व्यवस्था छ । शेयर विक्री प्रबन्धकमा बिओके क्यापिटल लिमिटेड रहेको छ ।

बोलपत्र विक्री प्रबन्धकसँगै बैंक अफ काठमाण्डूका शाखा कार्यालय विराटनगर, वीरगञ्ज, पोखरा, बुटवल, सुर्खेत, नेपालगञ्ज, धनगढी र समृद्धि फाइनान्सका केन्द्रिय कार्यालय हेटौँडा, बुटवल, पोखरा र नारायणगढमा प्राप्त गर्न र पेश गर्न सकिनेछ ।

? समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।