मैलुङ खोलाको आईपीओ बाँडफाँडको नतिजा यसरी हेर्न सकिन्छ

मैलुङ खोला जलविद्युत कम्पनीले सर्वसाधरणमा निष्काशन गरेका आईपीओ मंगलबार बाँडफाँड भएको छ ।

कम्पनीको बिक्री प्रबन्धक सिद्धार्थ क्यापिटको कार्यालयमा मंगलबार बिहान ९ः०० बजे उक्त आईपीओ बाँडफाँड भएको हो । कम्पनीको आईपीओमा आवेदन गर्ने ६८ हजार ४६८ जनाले १० कित्ता तथा ६ जनाले ११ कित्ताका दरले शेयर हात पारेका छन् ।

कम्पनीको आईपीओमा कुल २० लाख ६७ हजार ९६७ जनाले आवेदन गरेका थिए । आवेदन गरेकामध्ये २ हजार ८ सय ४३ जनाको आवेदन रद्द भएको थियो । सदर आवेदक २० लाख ६५ हजार १२४ जनामध्येबाट गोलाप्राथा गरी आईपीओ बाँडफाँड गरिएको हो ।

• मैलुङ खोलाको आईपीओ यसरी भयो बाँडफाँड, ६ जना भाग्यमानीलाई ११ कित्ता

कम्पनीले साउन १४ गतेदेखि साउन १९ गतेसम्म आईपीको बिक्री खुला गरेको थियो । कम्पनीले प्रतिकित्ता १०० रुपैयाँ अंकित दरमा कुल ७ लाख ३६ हजार २८६ कित्ता शेयर निष्कासन तथा बिक्री खुल्ला गरेको हो ।

आईपीओको नजिता बिक्री प्रबन्धक सिद्धार्थ क्यापिटलको वेवसाइट, मैलुङ खोलाको वेभसाइट, सिडिएससीको आईपीओ हेर्ने वेभसाइट, मेरो शेयर गरी चार स्थानबाट हेर्न सकिन्छ । आईपीओ बाँडफाँडपछि हाल बिक्री प्रबन्धकले डेटा प्रसोधनको कार्य गरिरहेको छ । डेटा प्रसोधनको काम सकिएपछि दिउँसो मात्र आईपीओ बाँडफाँडको नतिजा हेर्न सकिने बताइएको छ ।

१. सिद्धार्थ क्यापिटलको वेवसाइट

२. आईपीओ रिजल्ट डट सिडिएससी डट कम डट एनपी

३. सिडिएससीको वेवसाइट

४. मैलुङ्ग खोला जलविद्युत कम्पनीको वेवसाइट

? समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।