जोशी हाइड्रोपावर कम्पनी नोक्सानीमा, प्रतिशेयर नेटवर्थ ८४.५७ रुपैयाँमा खुम्चियो

धितोपत्रको दोस्रो बजारमा अन्य कम्पनी सरह मूल्य बढेको जोशी हाइड्रोपावरले गत आर्थिक वर्ष २०७७।७८ मा ३५ लाख ७१ हजार रुपैयाँ खुद नोक्सानी ब्यहोरेको छ ।

कम्पनीको विद्युत बिक्री आय बढेपनि फाइनान्सियल कस्ट बढ्दा कम्पनी नोक्सानीमा पुगेको हो । अघिल्लो आवमा पनि हाइड्रोपावर १ करोड ८५ लाख ५६ हजार रुपैयाँ नोक्सानीमा रहेको थियो ।  यसैगरी कम्पनीको जगेडा कोष ५ करोड ७३ लाख नोक्सानीमा रहेको छ । अघिल्लो आवमा ५ करोड ३७ लाख नोक्सानीमा रहेको थियो ।

गत आवमा कम्पनीले ३ करोड ६३ लाख ४४ हजार रुपैयाँ विदूत बिक्रीबाट आम्दानी गरेको छ । अघिल्लोआवमा १ करोड ६४ लाख ३१ हजार रहेकोमा यस्तो आम्दानी १२१.१९ प्रतिशतले बढेको हो ।

समीक्षा अवधिमा कम्पनीको फाइनान्सियल कस्ट ४२.४५ प्रतितशले बढेर २ करोड ६२ लाख ६१ हजार पुगेको छ । अघिल्लो आवमा १ करोड ८४ लाख ५ हजार मात्र थियो ।

चुक्त पूँजी ३७ करोड १४ लाख रुपैयाँ रहेको कम्पनीको वार्षिक प्रतिशेयर आम्दानी ०.९६ रुपैयाँ नोक्सानीमा छ भने प्रतिशेयर नेटवर्थ अघिल्लो आवभन्दा घटेर ८४.५७ रुपैयाँमा खुम्चिएको छ ।

कम्पनीको धितोपत्रको दोस्रो बजारमा शेयरमूल्य भने केही वाणिज्य बैंकहरुभन्दा धेरै प्रतिकित्ता ४२७ रुपैयाँ रहेको छ ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।