सूर्योदय लघुवित्त वित्तीय संस्था लिमिटेड (SLBS) ले चालु आर्थिक वर्षको पहिलो त्रैमासमा ३ करोड ६ लाख ४० हजार रुपैयाँ खुद नाफा आर्जन गरेको छ ।
गत आर्थिक वर्षको यसै अवधिसम्ममा लघुवित्तले १ करोड १८ लाख २७ हजार रुपैयाँ खुद नाफा आर्जन गरेकोमा १५९.०७ प्रतिशतले नाफा बढेको हो ।
खराब कर्जा उठाउन सफल भएपछि सूर्योदय लघुवित्तको नाफा उल्लेख्य बढेको हो । समीक्षा अवधिमा सम्भावित कर्जा नोक्सानी वापत १ करोड ५० लाख व्यवस्था गरेको लघुवित्तले ३ करोड ३४ लाख रुपैयाँ खराब कर्जा संकलन गरेको छ । यसले लघुवित्तको नाफा बढेको हो ।
बिहीबार सार्वजनिक अपरिष्कृत वित्तीय विवरण अनुसार गत आवको अवधिको तुलनामा लघुवित्तको चुक्ता पूँजी १५.३५ प्रतिशत, जगेडा कोष ६७.१३ प्रतिशत, निक्षेप २८.५६ प्रतिशत, सापटी ७१.४८ प्रतिशत, कर्जा ६१.१० प्रतिशत, खुद ब्याज आम्दानी २८.९८ प्रतिशत, सञ्चालन मुनाफा २२१.८१ प्रतिशतले बढेको छ ।
चुक्ता पूँजी २४ करोड ८० लाख ४२ हजार रुपैयाँ रहेको लघुवित्तको नाफा बढेसँगै वार्षिक प्रतिशेयर आम्दानी पनि २७.४१ ले बढेर ४९.४१ रुपैयाँ पुगेको छ । लघुवित्तको जगेडा कोषमा २१ करोड ४१ लाख ४ हजार रुपैयाँ रहेको छ ।
चालु आर्थिक वर्षको असोज मसान्तसम्ममा लघुवित्तले १ अर्ब ५५ करोड २४ लाख रुपैयाँ निक्षेप संकलन तथा बैंक तथा वित्तीय संस्थाबाट ३ अर्ब ४ करोड ६६ लाख रुपैयाँ सापटी परिचालन गरी ४ अर्ब ४८ करोड ५ लाख रुपैयाँ कर्जा लगानी गरेको छ । यसबाट लघुवित्तले ७ करोड ४६ लाख ६८ हजार रुपैयाँ खुद ब्याज आम्दानी र १ करोड ५२ लाख ४४ हजार रुपैयाँ सञ्चालन नाफा आर्जन गरेको छ ।
लघुवित्तको खराब कर्जा अनुपात बढेर ३.०३ प्रतिशतमा पुग्दा प्रतिशेयर नेटवर्थ १८६.३२ रुपैयाँ, कोषको लागत ६.७१ प्रतिशत र मूल्य आम्दानी अनुपात ३४.६७ गुणा छ ।
? समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।
About Us
प्रतिक्रिया