गुडविल फाइनान्स कम्पनी लिमिटेड (GFCL) ले गत आर्थिक वर्ष २०७७।७८ को मुनाफाबाट संस्थाका सेयरधनीहरूलाई ११ करोड २७ लाख ३६ हजार रुपैयाँ वितरण गर्ने प्रस्ताव गरेको छ ।
कम्पनीको मंसिर २६ गते, आइतबार सम्पन्न सञ्चालक समितिको बैठकले चुक्ता पूँजीको प्रतिशत ९.१ बोनस सेयर र कर प्रयोजन सहित ३.९० प्रतिशत नगद गरी कुल १३ प्रतिशत लाभांश वितरण गर्ने प्रस्ताव प्रस्ताव गरिएको कम्पनी सचिव स्वयम्भु शाक्यले जानकारी दिए ।
प्रस्तावित लाभांश अनुुसार कम्पनीले ७ करोड ८९ लाख १५ हजार २०० रुपैयाँ बराबरको बोनस सेयर र बोनसमा लाग्ने करप्रयोजन सहित ३ करोड ३८ लाख २० हजार ८०० रुपैयाँ बराबरको नगद लाभांश वितरण हुनेछ ।
फाइनान्स सञ्चालक समितिले प्रस्ताव गरेको उक्त लाभांश नियामक निकाय नेपाल राष्ट्र बैंकबाट स्वीकृत भई र लघुवित्त संस्थाको आगामी वार्षिक साधारण सभाबाट पारित भएपश्चात मात्र लगानीकर्तामा वितरण हुनेछ ।
हाल फाइनान्सको चुक्ता पूँजी ८६ करोड ७२ लाख रुपैयाँ रहेको छ । प्रस्तावित ७ करोड ८९ लाख १५ हजार २०० रुपैयाँ बराबरको बोनस सेयर वितरणपछि कम्पनीको चुक्ता पूँजी ९४ करोड ६१ लाख १५ हजार २०० रुपैयाँ पुग्नेछ ।
अघिल्लो आवबाट फाइनान्सले ८.४० प्रतिशत बोनस सेयर र २.६० प्रतिशत नगद गरी कुल १२ प्रतिशत लाभांश वितरण गरेको थियो ।
यस्तो छ फाइनान्सको लाभांश इतिहास:-
| S.N. | Fiscal Year | Bonus Dividend(%) | Cash Dividend(%) | Total Dividend(%) |
| 1 | 2077/2078 | 9.10 | 3.90 | 13.00 |
| 2 | 2076/2077 | 8.40 | 3.60 | 12.00 |
| 3 | 2075/2076 | 0.00 | 10.00 | 10.00 |
| 4 | 2074/2075 | 0.00 | 5.26 | 5.26 |
| 5 | 2073/2074 | 10.19 | 0.54 | 10.73 |
| 6 | 2072/2073 | 25.00 | 1.32 | 26.32 |
| 7 | 2071/2072 | 10.00 | 10.00 | |
| 8 | 2070/2071 | 6.28 | 7.72 | 14.00 |
| 9 | 2069/2070 | 0.00 | 7.37 | 7.37 |
| 10 | 2068/2069 | 3.50 | 5.50 | 9.00 |
? समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।
About Us
प्रतिक्रिया