भारत एफआइएच कम्पनीले ५० अर्ब भारु बराबरको आईपीओ जारी गर्ने

ताइवानी विद्युतीय सामग्री निर्माता कम्पनी, फक्सकन समूहको सहायक कम्पनी भारत एफआइएचले भारतीय रुपैयाँ ५० अर्ब बराबरको प्राथमिक सार्वजनिक निष्काशन (आईपीओ) जारी गर्ने भएको छ ।

कम्पनीले जारी गर्ने भारु.५० अर्ब ०४ करोडको आइपीओमध्ये २५ अर्ब ०२ करोड रुपैयाँ बराबरको सेयर सर्वसाधारणहरुका लागि र अफर फर सेल मार्फत भारु २५ अर्ब ०२ करोड बराबरको सेयर विद्यमान संस्थापक र लगानीकर्ताहरुलाई बिक्री गरिने कम्पनीले जनाएको छ ।

कोटक इन्भेष्टमेन्ट बैंकिङ, सिटीग्रुप ग्लोबल मार्केट्स इन्डिया, बीएनपी परिवास, एचएस्बीसी सेक्युरिटीज र क्यापिटल मार्केट्स इण्डियाबाट सर्वसाधारणलाई आइपीओ जारी गरिने हुनेछ ।

फक्सकन समूहको सहायक भारत एफआइएचले आईपीओ जारी गर्नका लागि आफ्नो कार्य विवरणपत्र सार्वजनिक गरेको छ । फक्सकन कम्पनीका सहायक कम्पनी वन्डरफूल स्टार्स र एफआईएच मोबाइल यसको प्रवद्र्धक रहेका छन् । यस आईपीओको प्रस्ताव यसको प्रवद्र्धक, वन्डरफूल स्टार्सले गरेको हो । वन्डरफुल स्टार्स र उसका साझेदारहरुको भारत एफआइएचमा शेयर स्वामित्व ९९.९७ प्रतिशत रहेको छ ।

भारत एफआईएच सन् २०१५ मा स्थापना भएको मोबाइल फोन निर्माता कम्पनी हो । भारत एफआइएच मोबाइल फोन उद्योगको क्षेत्रमा भारतको सबैभन्दा ठूलो विद्युतीय उत्पादन सामग्री प्रदायक हो । जसको आर्थिक वर्ष सन् २०२१ मा कुल फोन बजार आयको २३ प्रतिशत हिस्स समेटेको छ ।

यस कम्पनीले साओमी टेक्नोलोजीको मोबाइल फोनहरु उत्पादन तथा एसेम्बल गर्छ । मार्च २०२१ देखि, यस कम्पनीले मोबाइल फोनका अलावा मेकानिक्स, विद्युतीय सवारी साधन, टेलिभिजन लगायत अन्य सेवाहरू समेत विस्तार गरेको छ ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।