एलआइसी इन्डियाले आईपीओ जारी गर्न मूल्याङ्कनको कार्य अगाडि बढाउँदै

भारत सरकारको पूर्ण स्वामित्वमा रहेको भारतीय जीवन बीमा निगम (लाईफ इन्स्यारेन्स कर्पोरेशन इन्डिया) ले सेयर जारी गर्नका लागि मूल्याङ्कनको कार्य अगाडि बढाएको छ ।

सन् २०२१ को चौथो त्रैमास सम्ममा जारी हुने बताइएको एलआईसी इन्डियाको आईपीओ मूल्याङ्कनको काम समयमा नहुँदा रोकिएको थियो ।

विज्ञहरुले सेयर मूल्याङ्कनलाई लिएर निकै भारी मूल्य अनुमान गरेता पनि भारत सरकारले कन्जरभेटिभ मूल्याङ्कन गर्ने भएको छ ।

सर्वाधिक मूल्याङ्कन हुने बताइएको एलआईसीको कन्जरभेटिभ मूल्याङ्कन हुँदा रिलायन्स र टाटा कन्सलटेन्सी सर्भिसेस भन्दा एलआइसीको कम हुने बताइएको छ ।

रिलायन्सको बजार पूँजीकरण १६ लाख करोड भारु रहेको छ भने टाटा कन्सलटेन्सीको १३.८ लाख करोड रहेको छ । यी दुई कम्पनीलाई पछ्याउँदै एलआईसी तेस्रो स्थानमा आउने अनुमान विज्ञहरुले गरेका छन् ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।