स्थानीय तह निर्वाचन घोषणाले नेप्सेमा उछाल, प्रि ओपनिङ्गमै २५ अंकले बढ्यो नेप्से

सरकारले आगामी बैशाख ३० गते एकै चरणमा स्थानीय तहको निर्वाचन गर्ने घोषणा गरेपछि साताको तेस्रो कारोबार दिन आइतबारको प्रि-ओपनिङमा सेयर बजारमा उछाल आएको छ ।

यसदिन प्रि-ओपनिङमा सेसनमा नेप्से सूचक २४.७० अंकले बढेर २८७७.५८ बिन्दुमा पुगेको छ । यस अवधिमा २ करोड ७ लाख ९४ हजार ८७० रुपैयाँको सेयर खरीद बिक्री भएको छ ।

कारोबारमा आएका ५९ मध्ये ५६ कम्पनीको मूल्य बढेको छ भने २ कम्पनीको घटेको छ । १ कम्पनीको मूल्य स्थीर रहेको छ ।
प्रि-ओपनमा ५९ कम्पनीको ४१ हजार ४२९ कित्ता सेयर २८४ वटा संख्यामा खरीद बिक्री भएका छन् ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।