विकास बैंकहरुको चुक्ता पूँजी ३६ अर्ब माथि, मुक्तिनाथको साढे ५ अर्ब धेरै

सञ्चालनका रहेका १६ विकास बैंकहरुको चुक्ता पूँजी गत आर्थिक वर्षको दोस्रो त्रैमाससम्मकाे तुलनामा चालु आर्थिक वर्षको यसै अवधिमा १८.११ प्रतिशतले वृद्धि भएको छ ।

सार्वजनिक भएको दोस्रो त्रैमासससम्मको अपरिष्कृत वित्तीय विवरण अनुसार विकास बैंकहरुको चुक्ता पूँजी ३६ अर्ब ४१ करोड २६ लाख २७ हजार रुपैयाँ पुगेको हो । गत आवको यसै अवधिमा बैंकहरुको चुक्ता पूँजी ३० अर्ब ८२ करोड ८४ लाख २९ हजार रुपैयाँ रहेको थियो ।

समीक्षा अवधिमा आठ बैंकको चुक्तान पूँजी ३ अर्ब रुपैयाँभन्दा बढी छ । सबैभन्दा धेरै चुक्ता पूँजी रहेको मुक्तिनाथ विकास बैंकको ५ अर्ब ६५ करोड ७१ लाख ८१ हजार रुपैयाँ रहेको छ । गत आवको यसै अवधिमा ४ अर्ब ८१ करोड १५ लाख रुपैयाँ रहेकोमा १७.५८ प्रतिशत बोनस वितरण गरेर बैंकले पूँजी बढाएको हो ।

त्यस्तैगरि यस अवधिमा ज्योति विकास बैंक, महालक्ष्मी, गरिमा, शाइन रेसुङ्गा, लुम्बिनी, कामना सेवा र सांग्रिला डेभलपमेन्ट बैंकको चुक्ता पूँजी ३ अर्बभन्दा धेरै रहेको छ ।

यसैगरी एक्सेल डेभलपमेन्ट बैंकको १ अर्ब १५ करोड रहँदा बाँकी ७ विकास बैंकको पूँजी १ अर्बभन्दा कम छ । सबैभन्दा न्यून पूँजी रहेको नारायणी डेभलपमेन्ट बैंकको चुक्ता पूँजी १३ करोड १२ लाख रहेको छ ।

समीक्षा अवधिमा सबैभन्दा कम पूँजी रहकै नारायणी डेभलपमेन्ट बैंकले शतप्रतिशतले पूँजी बढाएको छ । बैंकले शतप्रतिशत हकप्रद जारी गरेर पूँजी बढाएको हो । यसैगरी कर्पोरेट डेभलपमेन्ट बैंकले ७३ र एक्सेल डेभलपमेन्ट बैंकले पनि ४२ प्रतिशतले पूँजी वृद्धि गरेको छ । अन्य दश बैंकले ३ देखि २४ प्रतिशतसम्म पूँजी बढाएका छन् । तीन विकास बैंकको पूँजी स्थीर छ । सप्तकोशी, सिन्धु र कर्णाली डेभलपमेन्ट बैंकको पूँजी स्थीर रहेको हो ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।