ऋणात्मक बजारमा पनि तीन कम्पनीको सेयरमूल्यमा सकारात्मक सर्किट

साताको तेस्रो कारोबार दिन मंगलवार नेष्डो समद्ध लघुवित्त, इमर्जिङ्ग नेपाल र राष्ट्र उत्थान लघुवित्तको सेयरमूल्यमा सकारात्मक सर्किट लागेर सेयरमूल्य बढेको छ ।

नेप्से सूचक १४ अंक बढीले ऋणात्मक भएपनि यी तीन कम्पनीका लगानीकर्ताले भने आजको बजारबाट कुस्त मुनाफा आर्जन गरेका हुन् ।
ती तीनवटै कम्पनीको सेयरमा बिक्रेताभन्दा क्रेता धेरै भएकाले सेयरमूल्यमा सर्किट लागेर बढेको हो ।

यसदिन इमर्जिङ नेपाल लिमिटेडको सेयरमूल्य अघिल्लो कारोबार दिनको तुलनामा १० प्रतिशत अर्थात ९२ रुपैयाँले बढेर प्रतिकित्ता १०१२.३० रुपैयाँ पुगेको छ ।
यसैगरी नेष्डो समृद्ध लघुवित्तको सेयरमूल्य अघिल्लो कारोबार दिनको तुलनामा १० प्रतिशत अर्थात ७९.३० रुपैयाँले बढेर ८७२.६० रुपैयाँ पुगेको छ ।

मंगलबार राष्ट्र उत्थान लघुवित्तको सेयरमूल्य पनि ९.९९ प्रतिशत अर्थात ९९.१० रुपैयाँका दरले वृद्धि भएसँगै १०९०.६० रुपैयाँ पुगेको छ ।

यसदिन एनआईबिएल समृद्धि फण्ड २ को सर्वाधिक ४.७३ प्रतिशत, र्मिर्मिरे लघुवित्त, नेपाल लाइफ, जीवन विकास लघुवित्त, आशा लघुवित्त, शिवश्री हाइडोपावर,एशियन लाइफ इन्स्योरेन्स कम्पनी र विशाल बजार कम्पनीको सेयरमूल्य पनि ३ प्रतिशत बढीले घटेको छ ।

आज कारोबारमा आएका २२५ वटा धितोपत्रमध्ये ६२ वटा मूल्य वृद्धि हुँदा १४७ वटाको घटेको छ । १६ कम्पनीको सेयरमूल्य स्थीर रहे ।

आज कारोबारमा शिवम सिमेन्टसको सबैभन्दा धेरै ७ करोड ९२ लाखको सेयर कारोबार भएको छ । ग्लोबल आइएमई बैंक, नेपाल लाइफ, जीवन विकास लघुवित्त र हिमालयन डिष्टिलरीको शीर्ष पाँच ठूलो कारोबार भएको छ । आज कारोबारमा आएका १३ उपसमुहगत सूचकमध्ये होटल बाहेक सबै ऋणात्मक बनेका छन् । घटेका सबै सूचक १ प्रतिशतभन्दा कम घटेका छन् ।

आज दिनभर २२५ कम्पनीका ३८ लाख ९० हजार १३१ कित्ता सेयर ३१ हजार ४३१ संख्यामा खरीद बिक्री हुँदा १ अर्ब ७५ करोड ६ लाख २८ हजार १९९ रुपैयाँको कारोबार भएको छ ।

नेप्से १४.२६ अंकले घटेर २५२७.५८ अंकमा झरेको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।