धादिङको रुबीभ्यालीमा गठबन्धनको जित, माओवादी केन्द्रका रामसिंह तामाङ विजयी

धादिङको रुबीभ्याली गाउँपालिकाको अध्यक्ष पदमा गठबन्धनका तर्फबाट नेकपा (माओवादी केन्द्र) का उम्मेदवार रामसिंह तामाङले दुई हजार ७९२ मत प्राप्त गरी विजयी भएका छन् । उनका निकटतम प्रतिद्वन्द्वी राष्ट्रिय प्रजातन्त्र पार्टी (राप्रपा) का गोम्बा घलेले दुई हजार ५९७ मत प्राप्त गरेका छन् ।

यसैगरी उपाध्यक्षमा नेपाली कांग्रेसका उम्मेदवार फेलामा तामाङले दुई हजार ९०३ मत प्राप्त गरी विजयी भए । उनका निकटतम प्रतिद्वन्द्वी राप्रपाका उम्मेदवार धनकुमारी तामाङले दुई हजार १३२ मत प्राप्त गरे । थोरै मतदाता भएका कारण छिटो मतगणना सकिएको निर्वाचन अधिकृतको कार्यालयले जनाएको छ ।

रुवी भ्याली गाउँपालिकाको वडा नम्बर १ मा नेपाली काँग्रेसका पम्बर तामाङ ३५२ मत सहित निर्वाचित भएका छन् । उनका निकटतम प्रतिद्धन्द्धी राष्ट्रिय प्रजातन्त्र पार्टीका चुम थापा तामाङले २९० प्राप्त गरे ।

यसैगरी वडा नम्बर २ मा नेपाल कम्युनिष्ट पार्टी (एकिकृत समाजबादी) का रुपा घले २७४ मत सहित निर्वाचित भएकी छिन् । उनका निकटतम प्रतिद्धन्द्धी राष्ट्रिय प्रजातन्त्र पार्टीका सुन्दर तामाङले १४४ प्राप्त गरे ।

रुवी भ्याली गाउँपालिकाको वडा नम्बर ३ मा जनता समाजवादी पार्टी, नेपालका फेदोजे तामाङ ५०३ मत सहित निर्वाचित भएका छन् । उनका निकटतम प्रतिद्धन्द्धी नेपाल कम्युनिष्ट पार्टी (एकिकृत समाजवादी) का रिक मान तामाङले ३८७ प्राप्त गरे ।

यस्तै वडा नम्बर ४ मा राष्ट्रिय प्रजातन्त्र पार्टीका प्रशान्त तामाङ ५०४ मत सहित निर्वाचित भएका छन् । उनका निकटतम प्रतिद्धन्द्धी नेपाल कम्युनिष्ट पार्टी (माओवादी केन्द्र) का विपिन तामाङले ३५५ प्राप्त गरे ।

गाउँपालीकाको वडा नम्बर ५ मा नेपाली काँग्रेसका रम्वा तामाङ ९९१ मत सहित निर्वाचित भएका छन् । उनका निकटतम प्रतिद्धन्द्धी राष्ट्रिय प्रजातन्त्र पार्टीका राम बहादुर तामाङले ४५१ प्राप्त गरे ।

गाउँपालिकाको वडा नम्बर ६ मा नेपाल कम्युनिष्ट पार्टी (एकिकृत समाजवादी) का समिर गुरुङ ३१६ मत सहित निर्वाचित भएका छन् । उनका निकटतम प्रतिद्धन्द्धी राष्ट्रिय प्रजातन्त्र पार्टीका र नरमान गुरुङले ३११ प्राप्त गरे ।

रुवी भ्याली गाउँपालिका धादिङ जिल्लामा पर्दछ । यस गाउँपालिकामा कूल जनसंख्या १० हजार ४७२ रहेको छ भने कुल मतदाता संख्या ८ हजार ९५३ रहेको छ । जसमा ४ हजार ६१८ पुरुष र ४ हजार ३३५ महिला रहेका छन् । यस गाउँपालिकामा ६ वडा छन् ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।