श्वेतगंगा हाइड्रोपावरको आईपीओ यसरी भयो बाँडफाँड

श्वेतगंगा हाइड्रोपावर एण्ड कन्स्ट्रक्सन लिमिटेडले सर्वसाधरणमा निष्कासन गरेको आईपीओ बुधबार बिहान बाँडफाँड भएको छ।

कम्पनीको शेयर निष्काशन तथा बिक्री प्रबन्धक सानिमा क्यापिटलको कार्यालयमा आईपीओ बाँडफाँड गरिएको हो।

कम्पनीले गत साउन ४ गतेदेखि प्रतिशेयर १०० अंकित मूल्यका २३ लाख ८९ हजार ५०० कित्ता साधारण शेयर निष्काशन गरेको थियो ।

निष्काशन गरिएको कुल शेयरमध्ये ५ प्रतिशत सामूहिक लगानी कोषलाई छुट्याएर बाँकी रहेको २२ लाख ७० हजार २५ कित्ता सर्वसाधारणलाई गोलाप्रथाबाट बाँडफाँड गरिएको हो।

कम्पनीको आईपीओ २ लाख २७ हजार २ आवेदकले १० कित्ताका दरले पाएका छन भने भाग्यमानी ५ जनालाई थप एक कित्ता प्रदान गरिएको छ।

सो आईपीओमा कुल १५ लाख ४३ हजार ९४५ जनाले आवेदन दिएका थिए। जसमध्ये १५ लाख ३९ हजार ५०५ आवेदन स्वीकृत भएका थिए । ४ हजार ४ सय ४० जनाको आवेदन रद्द भएको छ । आवेदन दिएका १३ लाख १६ हजार ९ सय ४३ जना आवेदक हात खाली भएको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।