फ्ल्योर हिमालयनले ५०० प्रतिशत हकप्रद प्रस्ताव सहित डाक्यो साधारण सभा

फ्ल्योर हिमालयन लिमिटेडले चुक्ता पुँजीको ५०० प्रतिशत हकप्रद जारी गर्ने प्रस्ताव सहित यहि कात्तिक २८ गते २७ औं वार्षिक साधारण डाकेको छ ।

कम्पनीले कात्तिक २८ गते एलिस रेष्टुरेन्ट कन्फरेन्स हल बखुण्डोल पुल्चोक ललितपुरमा दिउँसो साढे १ बजे २७ औं वार्षिक सभा बोलाएको हो । सभामा अघिल्लो साधारण सभाबाट पारित चुक्ता पुँजीको ५०० प्रतिशत (१ः५ अनुपात) को हकप्रद जारी गर्ने निर्णय पुन पारित गर्नेछ ।

त्यस्तै हकप्रद सेयर बिक्री नभएको खण्डमा सञ्चालक समितिको निर्णय बमोजिम बिक्री गर्न सञ्चालक समिति लाई पूर्ण अख्तियारी दिने प्रस्ताव पनि सभाले पारित गर्नेछ ।

साथै सभाले आव २०७८/७९ को वार्षिक प्रतिवेदन छलफल गरी पारित गर्ने र आव २०७९/८० को लागि लेखापरिक्षकको नियुक्ती र निजको पारिश्रमिक निर्धारण गर्ने प्रस्ताव पनि पारित गर्नेछ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।