लाभांश प्रस्ताव गरेका ६ मध्ये तीन हाइड्रोपावरको सेयर किन्दा अझै पाइन्छ लाभांश

नेपाल स्टक एक्स्चेञ्जमा जलविद्युत समुहमा सूचीकृत कम्पनीमध्ये हालसम्म ६ वटा हाइड्रोपावर कम्पनीले सेयरधनीलाई वितरण गर्ने लाभांश प्रस्ताव गरेका छन् । ती मध्ये तीन कम्पनीको बुकक्लोज भैसकेको अवस्था छ भने तीन कम्पनीको सेयर खरिद गर्दा अझैपनि लाभांश पाइनेछ ।

रिडी पावर, माउन्टेन इनर्जी नेपाल र युनाइटेड इदिमार्दी हाइड्रोपावरको सेयर खरिद गर्दा लाभांश पाइनेछ । सानिमा माई हाइड्रोपावर, रुरु जलविद्युत परियोजना र अरुण काबेली पावरले साधारण सभा समेत सम्पन्न गरिसकेका छन् ।

युनाइटेड इदीमार्दीले मंसिर २८ गते र माउण्टेन इनर्जीले पुस ८ गते साधारण सभा डाकेका छन् । साधारण सभाका लागि युनाइटेड इदीमार्दीले मंसिर १६ गते शुक्रबार र माउण्टेन इनर्जीले मंसिर २७ गते मंसिरकार बुकक्लोज तोकेका छन् ।

हालै मात्र लाभांश प्रस्ताव गरेको रिडी पावरले साधारण सभा र बुकक्लोज मिति तोकेको छैन । रिडीले सबैभन्दा धेरै ४० प्रतिशत बोनस सेयर र २.१५ नगद गरी कुल ४२.१० प्रतिशत लाभांश वितरण गर्ने प्रस्ताव गरेको छ ।  घोषित लाभांशमध्ये सबैभन्दा कम सानिमा माई हाइड्रोपावरले ५.२६ प्रतिशत नगद वितरण गरेको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।