एकैदिन २४ सय रुपैयाँले घट्यो सुनको भाउ, चाँदीमा पनि गिरावट

काठमाडौँ । बिहीबार नेपाली बजारमा सुनको भाउ घटेको छ । बुधबारको तुलनामा बिहीबार सुनको भाउ एकैदिन तोलामा २ हजार ४०० रुपैयाँले घटेको हो । सुनसँगै चाँदीको भाउमा पनि सामान्य गिरावट आएको हो ।

नेपाल सुनचाँदी व्यवसायी महासंघका अनुसार बिहीबार सुन प्रतितोला १ लाख ९५ हजार २०० रुपैयाँमा कारोबार भइरहेको छ । बुधबार सुन प्रतितोला १ लाख ९७ हजार ६०० रुपैयाँमा कारोबार भएको थियो ।

त्यसैगरी, बिहीबार चाँदी तोलामा १५ रुपैयाँले घटेर २ हजार ३३५ रुपैयाँमा कारोबार भइरहेको छ । बुधबार चाँदी प्रतितोला २ हजार ३५० रुपैयाँमा कारोबार भएको थियो ।

नेपालमा अन्तर्राष्ट्रिय बजारका आधारमा सुनको मूल्य निर्धारण गर्ने गरिएको छ ।
बिहीबार अन्तर्राष्ट्रिय बजारमा सुन प्रतिऔंस ३ हजार ३८२.८८ अमेरिकी डलर र चाँदी ३९.०६ अमेरिकी डलरमा कारोबार भइरहेको छ ।