अझै घटेन तरकरीको भाउ : एक केजी चमसुरको सागलाई २५० रुपैयाँ

दसैँ अघिको बाढी पहिरो लगायत कारणले बढेको तरकारीको भाउ अझै सामान्य हुन सकेको छैन । बाढी पहिरोको प्रभाव कम भएतापनि तरकारीको भाउ भने घट्न नसकेको हो ।

आज शुक्रबार चमसुरको सागको प्रतिकेजी अधिकतम मूल्य २५० रुपैयाँ तोकिएको छ । कालिमाटीमा चमसुरको सागको आयात कम भएकोले मूल्य बढेको कालिमाटी तरकारी तथा फलफूल बजार विकास समितीले जनाएको छ ।

यस्तै, आज लोकल गोलभेँडाको न्यूनतम मूल्य १२० रुपैयाँ तोकिएको छ भने अधिकतम मूल्य १३० रुपैयाँ तोकिएको छ । यसैगरी टनेल सानो गोलभेँडा ११० देखि १५० रुपैयाँसम्म कारोबार भइहेको छ ।

यसैगरी, सानो गोलभेडा (भारतीय)को औसत मूल्य प्रतिकेजी ११५ रुपैयाँ, स्थानीय काउली १३० रुपैयाँ, लोकल परवर ६५ रुपैयाँ, तराई परवर ७५ रुपैयाँ, डल्लो फर्सी ६५ रुपैयाँ, लाम्चो फर्सी ९५ रुपैयाँमा कारोबार भइरहेको छ ।

यसैगरी, आज लौका ५५ रुपैयाँ, भिण्डी प्रतिकेजी ८५ रुपैयाँ, स्कूस २५ रुपैयाँ, हरियो प्याज १७६ रुपैयाँ ६७ पैसा, कन्य च्याउ १४० रुपैयाँ, डल्ले च्याउ ३०० रुपैयाँमा कारोबार भइरहेको छ ।

अन्य कुन तरकारीको भाउ कति ?