निषेधाज्ञाले शेयर बजारमा दोहोरो अंकको गिरावट

सरकारले बुधबार राति १२ बजेदेखि निषेधाज्ञा गर्ने निर्णय गरेसँगै शेयर बजार दोहोरो अंकले घटेको छ भने कारोबार रकममा समेत गिरावट आएको छ ।

बुधबार नेप्से सूचक १६.६० अंकले घटेर १३९१.२९ अंकमा झरेर बन्द भएको छ । यसदिन १८५ कम्पनीको ९७ करोड ६२ लाख बराबरको कारोबार भयो।

आज नागरिक लगानी कोषको सबैभन्दा धेरै ८ करोड ९ लाख ९२ हजार रुपैयाँ बराबरको शेयर खरीद बिक्री भएको छ। नेपाल रि इन्स्योरेन्सको ६ करोड ८१ लाख, नेको इन्स्योरेन्सको ६ करोड ४४ लाख, र नेपाल लाइफको ५ करोड ६३ लाख रुपैयाँको शेयर कारोबार भएको छ।

सरकारले निषेधाज्ञा गर्ने निर्णय गरे पनि नेपाल धितोपत्र बोर्ड र नेप्सेका अधिकारीहरुले भने शेयर कारोबार बन्द नहुने बताएका छन् ।

अनलाइन मार्फत घरमै बसेर कारोबार गर्ने अवस्था रहेको भन्दा बजार बन्द नहुने उनीहरुको धारणा छ । शेयरबजारका लगानीकर्ताको भने मिश्रित धारणा आएको छ । शेयर लगानीकर्ताहरु खोल्ने र नखोल्ने दुईपक्षमा देखिएका छन्।

यसदिन बजारमा कारोबारमा आएका सबै समूहका सूचक ओरालो लागेका छन् । सबैभन्दा धेरै जीवन बिमा समूहको १३६.५९ अंकले घटेको छ ।

यस दिन समृद्धि फाइनान्सको शेयर मूल्य १० प्रतिशतले बढेको छ । प्रिमियर इन्स्योरेन्सको सबैभन्दा धेरै ३.८०५ प्रतिशतले घटेको छ । नागरिक लगानी कोषको सबैभन्दा धेरै ७ करोड ९५ लाख रुपैयाँभन्दा बढीको कारोबार भयो।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।