अन्य क्षेत्रमा लगानी संकुचनले शेयर बजारमा सुधार, एक अर्ब ८५ करोडको कारोबार

शेयर बजारमा पछिल्लो केहि दिन यता सुधारको क्रमले निरन्तरता पाएको छ । देशका अधिकांश जिल्लामा निषेधाज्ञा जारी गरिएको भएपनि शेयर अनलाइन कारोबारमा लगानीकर्ता अभ्यस्त बन्दै जाँदा बजारमा सकारात्मक प्रभाव परेको हो।

बन्दाबन्दीले बजारका अन्य लगानीक्षेत्र संकुचित हुँदा शेयर बजारमा लगानीकर्ताको आकर्षण थपिएको छ । यतिबेला वित्तीय प्रणालीमा प्रशस्त तरलता रहेको र ब्याजदर समेत घट्दो क्रममा रहेकाले पनि शेयर बजार सकारात्मक प्रभाव परेको हो । अन्यत्र क्षेत्रको लगानी ठप्प जस्तै हुँदा शेयर लगानी गर्नेहरु बढेका छन् ।

धितोपत्रको प्राथमिक बजारमा समेत लगानीकर्ताकोहरुको संख्या बढ्दै गएको छ । रिलायन्स लाइफको आईपीओमा ६ लाख बढी आवेदन पर्नुले पनि प्राथमिक बजारमा लगानीकर्ताहरु बढ्दै गएको प्रष्ट देखिन्छ । गएको एक महिनाभित्र आधा दर्जन कम्पनीले आईपीओ निष्काशन गरेका थिए । आआईपीओमा शेयर पाएका लगानीकर्ताहरु शेयर बिक्रीका लागि दोस्रो बजारमा प्रवेश गर्दा पनि अनलाइन कारोबारमा सुधार आएको छ ।

भित्री सूचना चुहिए पछि आशा लघुवित्तको शेयर मूल्य आकाशियो

पछिल्लो चरणमा आईपीओ निष्काशन गरेका कम्पनीहरुबाट शेयर लगानीकर्ताहरुले राम्रै फाइदा गरेका छन् । घरमै बसीरहँदा कतिपय लगानीकर्ताले अनलाइन अभ्यासका लागि थोरै थोरै संख्यामा शेयर किनबेच गर्ने क्रम पनि देखिएको छ । यसले पनि कारोबार संख्यामा बढोत्तरी ल्याएको छ । अभ्यासकै क्रममा अनलाइन चलाउँदा लगानीकर्ताहरु दोस्रो बजारप्रति आकर्षित हुन थालेको देखिन्छ ।

Index	Current	Points Change	%Change
NEPSE	1,440.94	9.34	0.65
Sensitive	293.97	0.83	0.28
Float	100.65	0.5	0.5
Sen. Float	96.91	0.26	0.27

मंगलबार नेप्से परिसूचक ९.३४ अंकले बढेर १ हजार ४४० दशमलव ९४ बिन्दुमा उक्लिएको छ । यसदिन १८९ कम्पनीको ३९ लाख ४० हजार ६९१ कित्ता शेयर १ अर्ब ८५ करोड ५१ लाख रुपैयाँ बराबरमा किनबेच भएको छ । कारोबार रकम अघिल्लो दिनको तुलनामा भन्दा २८ करोड कम हो । सोमबार २ अर्ब १३ करोड ९२ लाख बराबरको शेयर किनबेच भएको थियो।

यसदिन कारोबारमा आएका व्यापार, उत्पादन र म्युचुअल फण्ड बाहेक सबै समूहको सूचक सकारात्मक रहेको छ। विशेष गरी बीमा कम्पनीहरुमा लगानीकर्ताको आकर्षण देखिएको छ ।

                 Top Stocks By Turnover                 Top Stocks By Shares Traded                 Top Stocks By No. Of Transaction                 Top Gainers                 Top Losers               

मंगलबारको बजारमा पुर्नबीमा कम्पनीको शेयर मूल्य सबैभन्दा बढी ७.६९ प्रतिशतले बढेको छ । सबैभन्दा धेरै गुमाउनेमा समृद्धि फाइनान्सका लगानीकर्ता छन् । यसको भाउ ६.५४ प्रतिशतले घटेको छ ।

खरिद बिक्री रकममा नेपाल पुनर्बिमा कम्पनी अग्रस्थानमा छ । यसको २८ करोड ७४ लाख रुपैयाँभन्दा बढीको कारोबार भएको छ । यसैगरी, दोस्रोमा नेको इन्स्योरेन्सको उच्च कारोबार भएको छ ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।