पोखरामा ‘ वर्ल्डलिङ्क कार्निभल’ हुँदै

इन्टरनेट सेवा प्रदायक कम्पनी वर्ल्डलिंकले पोखरामा ‘कार्निभल’को आयोजना गर्ने भएको छ । कम्पनीले आगामी १३ गते शनिवार विभिन्न मनोरञ्जनात्मक कार्यक्रम गरेर कार्निभल गर्ने जनाएको हो । 

कार्निभलमा विभिन्न प्रकारका फुड स्टलहरू, बाल बच्चाहरुको लागि खेलहरू, विभिन्न प्रकारमा रमाइला खेलहरू रहने छन् । मुख्य आकर्षणको रुपमा, ‘द इलिमेन्टस्’ ब्यान्डको प्रस्तुती रहने कम्पनीले जनाएको छ । साथै विभिन्न स्थानीय कलाकारहरूको बेजोड प्रस्तुती समेत रहनेछ । 

चर्चित कार्यक्रम प्रस्तोता ‘सुजिता श्रेष्ठ’ द्वारा सञ्चालन गरिने यस कार्निभलमा चर्चित डिजे ‘डिजे एमी’को प्रस्तुती समेत रहने छ । कार्निभल पोखराको, पामे, चङ्खपुरमा हुन गइरहेको ‘अन्तराष्ट्रिय बलुन फेस्टिभल’ को पाँचौ दिनमा हुन े कम्पनीले जनाएको छ । यस कार्निभल, पौष १३ गते २८ डिसेम्बर, शनिबारको दिन बिहान ९ बजे बाट शुरु भइ बेलुकी ५ बजे सम्म रहने छ । यस कार्यक्रममा विभिन्न प्रकारका मनोरञ्जनात्मक खेलहरू, ‘पबजी प्रतियोगिता’, तथा विभिन्न स्टलहरू रहने छन् । 

कार्यक्रममा, ‘बिट द स्पीड’ को प्रतियोगिता समेत हुने वर्ल्डलिंकले जनाएको छ । त्यस प्रतियोगितामा, १४५ कि.मी. प्रति घण्टा भन्दा माथिको बलिङ गर्न सफल भएमा एक प्रतियोगीले ‘आईफोन १६’ उपहार पाउन सक्नेछन् ।

कार्निभलमा सहभागि हुन चाहनेहरुको सहजताको लागि वर्ल्डलिंकले पोखरामा पामे सम्मका लागि निशुल्क बस सेवा समेत प्रदान गर्ने भएको छ । विगतका कार्निभलहरुमा झैं अहिले पनि परिवार नै उपस्थित भई विभिन्न स्टलहरुको रौनक सँगै, खेलहरू खेल्दै, रमाइलो गर्न सक्ने कम्पनीले जनाएको छ ।