सुनको मूल्यमा सामान्य गिरावट

काठमाडौँ । सुनको भाउमा सामान्य गिरावट आएको छ । मंगलबार स्थिर रहेको सुनको भाउ आज एक सय रुपैयाँले घटेको हो ।

नेपाल सुनचाँदी व्यवसायी महासंघका अनुसार बुधबार छापावाला सुन प्रतितोला एक लाख ४९ हजार ७०० रुपैयाँमा कारोबार भइरहेको छ । मंगलबार छापावाला सुन प्रतितोला एक लाख ४९ हजार ८०० रुपैयाँमा कारोबार भएको थियो ।

यस्तै, मंगलबार प्रतितोला १ हजार ८०५ रुपैयाँमा कारोबार भएको चाँदी आज १ हजार ८०० रुपैयाँमा कारोबार भइरहेको छ ।

नेपालमा अन्तर्राष्ट्रिय बजारको आधारमा सुनचाँदीको मूल्य निर्धारण गर्ने गरिएको छ । बुधबार अन्तर्राष्ट्रिय बजारमा सुन प्रतिऔंस २ हजार ६१६.४५ अमेरिकी डलर र चाँदी प्रतिऔंस २९.६२ डलरमा कारोबार भइरहेको छ।