कुमारी बैंकको बोनस सहित चार कम्पनीको साढे १३ करोड कित्ता शेयर नेप्सेमा सुचिकृत

नेपाल स्टक एक्सचेञ्जमा यो साता कुमारी बैंकको बोनस सहित विभिन्न चार कम्पनीको १३ करोड ४९ लाख ७३ हजार ४४५ कित्ता शेयर कारोबारका लागि सुचिकृत भएको छ ।

नेप्सेका अनुसार कुमारी र एनएमबि लघुवित्तको बोनस शेयर, एशियन लाइफको हकप्रद र नविल व्यालेन्सको म्युचअल फण्डका इकाई कारोबारका लागि सुचिकृत भएको हो ।

नेप्सेका अनुसार नविल ब्यालेन्स फण्ड २ म्युचअल फण्ड ११ करोड २० लाख इकाई, कुमारी बैंकको १ करोड ५२ लाख २१ हजार ७८१ बोनस शेयर सुचिकृत भएको हो ।

त्यस्तै एशियन लाइफ इन्स्योरेन्स कम्पनी लिमिटेडको ७५ लाख ४० हजार ३५२ कित्ता हकप्द र एनएमबी लघुवित्त वित्तीय संस्था लिमिटेडको २ लाख ११ हजार ३१२ कित्ता बोनस शेयर सुचिकृत भएका हुन ।