एकैदिन २१ सय रुपैयाँले बढेसँगै सुनको भाउ पुग्यो २ लाख नजिक

काठमाडौँ । सुनको भाउ २ लाख नजिक पुगेको छ । बुधबार नेपाली बजारमा सुनको भाउ २ हजार १०० रुपैयाँले बढेसँगै २ लाख नजिक पुगेको हो ।

नेपाल सुनचाँदी व्यवसायी महासंघका अनुसार बुधबार सुन प्रतितोला १ लाख ९७ हजार ६०० रुपैयाँ कायम भएको छ । मंगलबार सुन प्रतितोला १ लाख ९५ हजार ५०० रुपैयाँमा कारोबार भएको थियो ।

त्यसैगरी, बुधबार चाँदीको मूल्य पनि बढेको छ । आज चाँदी तोलामा ३० रुपैयाँले बढेको हो ।

बुधबार चाँदी प्रतितोला २ हजार ३५० रुपैयाँमा कारोबार भइरहेको छ । मंगलबार चाँदी प्रतितोला २ हजार ३२० रुपैयाँमा कारोबार भएको थियो ।

नेपालमा अन्तर्राष्ट्रिय बजारका आधारमा सुनको मूल्य निर्धारण गर्ने गरिएको छ ।

बुधबार अन्तर्राष्ट्रिय बजारमा सुन प्रतिऔंस ३ हजार ४२२.९२ अमेरिकी डलर र चाँदी ३९.२३ अमेरिकी डलरमा कारोबार भइरहेको छ ।