डिशहोमले द ट्राङक्विलिटी स्पासँग सहकार्य गर्दै भर्चुअल प्रिभिलेज कार्डमार्फत विशेष सुविधा प्रदान गर्ने

काठमाडौँ । देशकै अग्रणी डिजिटल सेवा प्रदायक डिशहोमले नेपालभरका स्पा तथा सलोन सेवामा अग्रणी नाम मध्ये एक, द ट्राङक्विलिटी स्पासँग रणनीतिक साझेदारी गरेको घोषणा गरेको छ। डिशहोमको अभिनव भर्चुअल प्रिभिलेज कार्ड कार्यक्रम अन्तर्गत सुरु गरिएको यो सहकार्यले ग्राहकहरूको जीवनशैलीलाई अझ समृद्ध बनाउन र उनीहरूलाई देशव्यापी रूपमा विशेष स्वास्थ्य तथा वेलनेस लाभहरू प्रदान गर्ने उद्देश्य राखेको छ।

अब डिशहोमका सक्रिय ग्राहकहरूले नेपालभर रहेका सबै ट्राङक्विलिटी स्पा शाखाहरूमा विशेष छुट प्राप्त गर्न सक्नेछन्। यस अन्तर्गत सबै स्पा तथा सलोन सेवामा पच्चीस प्रतिशत छुट, सबै सलोन सेवामा बीस प्रतिशत छुट, र ट्राङक्विलिटी इन्टरनेशनल ब्यूटी एण्ड स्पा एकेडेमी ९टीआईबीएसए० मा हुने तालिम कार्यक्रममा तीस प्रतिशत छुट प्रदान गरिनेछ।

लक्जरी वातावरण, अनुभवी थेरापिस्टहरू र विश्वस्तरीय उपचारका लागि परिचित द ट्राङक्विलिटी स्पा ले नेपालमा वेलनेस र रिल्याक्सेसनको पर्यायका रूपमा आफ्नो स्थान स्थापित गरेको छ। देशका प्रमुख सहरहरू तथा पर्यटनस्थलहरूमा शाखा विस्तार गरिसकेको यस स्पाले डिशहोमका ग्राहकहरूलाई मनोरञ्जन र स्वास्थ्यका उत्कृष्ट सुविधाहरू एउटै प्लेटफर्ममा उपलब्ध गराएको छ।

काठमाडौंमा अवस्थित टीआईबीएसएले ब्यूटी थेरापी, स्पा ट्रीटमेन्ट, मसाज थेरापी तथा समग्र वेलनेस सम्बन्धी व्यावसायिक तालिम कार्यक्रमहरू प्रदान गर्दै आएको छ। व्यावहारिक प्रशिक्षण र अनुभवी प्रशिक्षकहरूद्वारा सञ्चालित यस संस्थाले नेपालको नयाँ पुस्तालाई वेलनेस व्यवसायतर्फ आकर्षित गर्न महत्वपूर्ण भूमिका खेल्दै आएको छ।

डिशहोमका ग्राहकहरूले एपमार्फत सजिलै यो सुविधा प्राप्त गर्न सक्छन्। एप प्ले स्टोर वा एप स्टोरबाट डाउनलोड गरी, आफ्नो दर्ता गरिएको मोबाइल नम्बर वा ग्राहक आईडी प्रयोग गरेर लगइन गर्न सकिन्छ। त्यसपछि होम स्क्रिन वा प्रोफाइल सेक्सनमा रहेको आफ्नो भर्चुअल प्रिभिलेज कार्ड खोल्दै, कुनै पनि ट्राङक्विलिटी स्पा शाखामा कार्ड देखाएर तुरुन्तै छुट लिन सकिन्छ।

साझेदारीलाई औपचारिक बनाउने क्रममा ट्राङक्विलिटी स्पा एण्ड सर्भिसेजका प्रमुख सञ्चालन अधिकृत रणिल फाइजो र डिशहोमका नयाँ उत्पादन विकास प्रमुख सबिन महर्जनबीच समझदारी पत्रमा हस्ताक्षर गरिएको हो।

डिशहोमका प्रमुख कार्यकारी अधिकृत तारा मानन्धरका अनुसार, “यो साझेदारीले नेपालको अग्रणी स्पा र सलोन ब्रान्डलाई हाम्रो ग्राहकहरूलाई थप मूल्य, सहजता र सन्तोषजनक अनुभव प्रदान गर्ने प्रतिबद्धतासँग जोड्छ।”

डिशहोम भर्चुअल प्रिभिलेज कार्ड कम्पनीको ग्राहक सन्तुष्टि र समग्र जीवनशैली प्रवर्द्धन गर्ने व्यापक दृष्टिकोणको हिस्सा हो। यस पहलमार्फत डिशहोमले भोजन, आतिथ्य, यात्रा, वेलनेस, मनोरञ्जन तथा खुद्रा क्षेत्रका विभिन्न साझेदारहरूसँग सहकार्य गर्दै आफ्ना ग्राहकहरूलाई देशभर विशेष छुट, सुविधा र प्रिमियम अनुभवहरू प्रदान गर्दै आएको छ।

कम्पनीले आगामी महिनाहरूमा आफ्ना साझेदार नेटवर्कलाई अझ विस्तार गर्दै ग्राहकहरूका लागि थप रोमाञ्चक विशेषाधिकार र जीवनशैली लाभहरू उपलब्ध गराउने योजना बनाएको जनाएको छ ।