बाणिज्य बैंकहरुलाई ब्रोकर लाइसेन्स दिन नेप्सेले लागू गर्यो कार्यविधि

नेपाल स्टक एक्चेन्ज नेप्सेले बाणिज्य बैंकहरुलाई ब्रोकर लाइसेन्स दिनको लागि साउन १६ गते देखि “वाणिज्य बैंकका सहायक कम्पनीलाई धितोपत्र सदस्य दलाल व्यवसायी अनुमतिपत्रको लागि सिफारिस कार्यविधि, २०७६“ लागू गरेको छ ।

ब्रोकर लाईसेन्सको लागि सिफारिस गर्नको लागि कार्यविधि तयार पारेको हो ।

नेप्सेले आफुले तयार पारेको कार्यविधि बमोजिम स्थापना भएको वाणिज्य बैंकका सहायक कम्पनीलाई लाइसेन्स सिफारिस गर्नेछ । नेप्सेको सिफारिस पश्चात नेपाल धितोपत्र बोर्डले बैंकहरुलाई ब्रोकर लाइसेन्स वितरण गर्नेछ ।

कार्यविधि लागू भएसँगै नेप्सेले बैंकको सहायक कम्पनीसंग ब्रोकर लाईसेन्सको लागि निवेदन माग गर्ने छ । प्रक्रिया पुरा गरेका कम्पनीलाई नेप्सेले लाईसेन्सको लागि बोर्डमा सिफारिस गर्ने छ ।

धितोपत्र बोर्डले केहि दिन अघि मात्रै नेप्सेलाई थप ब्रोकर लाइसेन्स दिने प्रक्रिया तत्काल अगाडी बढाउँन निर्देशन दिएको थियो ।

हालसम्म ब्रोकर सेवा उपलब्ध गराउन सञ्चालनमा रहेका २८ वाणिज्य बैंकमध्ये १९ बैंक ईच्छुक देखिएका छन् । जसमध्ये राष्ट्र बैंकबाट १० वटा बैंकले ब्रोकरको काम गर्ने अनुमति समेत लिईसकेका छन् । अब ति बैंकका सहायक कम्पनीहरुले नेप्सेमा आवेदन गर्नेछन् ।

ब्रोकरको काम गर्न अनुमति लिनेमा नेपाल इन्भेष्टमेन्ट बैंक, बैंक अफ काठमान्डू, एनआइसी एसिया, कुमारी, सिद्धार्थ रहेका छन् । यसैगरी, ग्लोबल आइएमई, जनता, मेगा, सेन्चुरी र सानिमा बैंकले पनि राष्ट्र बैंकबाट अनुमति अनुमति लिएका छन् ।