भरतपुरस्थित भाटभटेनी सुपर स्टोर शुक्रबारदेखि सञ्चालनमा आउने

काठमाडौँ । चितवन जिल्लाको भरतपुरस्थित भाटभटेनी सुपर स्टोर शुक्रबारदेखि पुनः सञ्चालनमा आउने भएको छ । जेनजी आन्दोलनका क्रममा क्षतीग्रस्त बनेको उक्त स्टोरमा शुक्रबारदेखि नियमित रूपमा सेवा सुरु हुने भएको हो ।

स्टोर दैनिक बिहान १० बजेबाट नियमित रूपमा सञ्चालन हुनेछ। ग्राहकहरूको सुविधा र सहज खरिद अनुभवलाई ध्यानमा राख्दै स्टोरलाई पुनः सक्रिय बनाइएको हो। भाटभटेनी सुपर स्टोर देशभरका प्रमुख रिटेल चेनमध्ये एक मानिन्छ, जसले ठूलो मात्रामा उपभोक्ता सामग्री एकै स्थानमा उपलब्ध गराउँदै आएको छ।