जीवन बीमा कम्पनीहरुको औषत लाभांश १५ प्रतिशत

अघिल्लो आर्थिक वर्ष २०७६/७७ बाट लाभांश वितरण गरेका ९ जीवन बीमा कम्पनीहरुको औषत लाभांश १४.८५ प्रतिशत देखिएको छ ।

सूचीकृत १२ मध्ये ९ कम्पनीको लाभांश घोषणाका आधा।मा सो तथ्याङ्क प्राप्त भएको हो । प्रभु लाइफले सो आर्थिक वर्षबाट कुनैपनि लाभांश वितरण नगरी साधारण सभा सम्पन्न गरिसकेकाे छ । अब सानिमा लाइफ र युनियन लाइफको लाभांश घोषणा हुने वा नहुने तय भैसकेको छैन । लाभांश घोषणा गरेका सबै कम्पनीले साधारण सभा समेत सम्पन्न गरिसकेका छन् । 

आर्थिक वर्ष २०७६।७७ बाट एशियन लाइफ इन्स्योरेन्सको सबैभन्दा धेरै २५ प्रतिशत बोनस सहित २७ प्रतिशत लाभांश वितरण गरेको छ । रिलायन्स लाइफले सबैभन्दा कम ५.२६ प्रतिशत नगद लाभांश वितरण गर्यो ।

लाइफ इन्स्यारेन्स कर्पोरेसन (एलआईसी)  ले आर्थिक वर्ष २०७६/७७ बाट २१.०५ प्रतिशत, नेशनल लाइफ २० प्रतिशत, प्राइम लाइफ १५.८७ प्रतिशत, नेपाल लाइफ १४.७४ प्रतिशत, सूर्या लाइफ १३.३७ प्रतिशत, ज्योति लाइफ १०.५३ प्रतिशत, गुराँस लाइफ ५.७९ प्रतिशत र रिलायन्स लाइफले सबैभन्दा कम ५.२६ प्रतिशत नगद वितरण गरेको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।