चालु आर्थिक वर्षको बैशाख महिनासम्ममा सञ्चालनमा रहेका १९ जीवन बीमा कम्पनीहरूले २०७९ जेठ महिनामा मात्रै ९ अर्ब ७ करोड ६० लाख रुपैयाँ बीमा शुल्क संकलन गरेका छन् ।
जेठ मसान्तसम्ममा १९ कम्पनीहरूले कुल १ खर्ब १९ अर्ब ४७ करोड ८१ लाख रुपैयाँ कुल बीमा शुल्क संकलन गरेका छन् । गत आवको एघार महिनाको तुलनामा बीमा शुल्क संकलन १६.७५ प्रतिशतले बढेको हो । कुल बीमा शुल्कमा जेठमा संकलित हिस्सा ७.६० प्रतिशत रहेको छ ।
बैशाख महिनामा मात्रै जीवन बीमा कम्पनीहरूले ७ अर्ब ८६ करोड २० लाख रुपैयाँ कुल बीमाशुल्क संकलन गरेका थिए । बैशाखको तुलनामा जेठमा १ अर्ब २१ करोड ४० लाख रुपैयाँ धेरै बीमाशुल्क संकलन गरेका हुन् । यद्यपि ६ कम्पनीको जेठमा संकलित बीमाशुल्क बैशाखको भन्दा कम छ ।
जेठमा संकलित बीमाशुल्क मध्ये नेपाल लाइफले सर्वाधिक २ अर्ब ३२ करोड ९ लाख रुपैयाँ संकलन गरेको छ । यो बैशाखको संकलित बीमा शुल्क भन्दा ३३ करोड ६५ लाख रुपैयाँ बढी हो ।
यसैगरी दोस्रो स्थानमा रहेको लाइफ इन्स्योरेन्स कर्पोरेशन (एलआईसी) ले जेठ महिनामा १ अर्ब २६ करोड ५४ लाख रुपैयाँ र नेशनल लाइफले १ अर्ब ८ करोड ८४ लाख रुपैयाँ कुल बीमा शुल्क संकलन गरेको छ । बैशाखको तुलनामा एलआइसीले १९ करोड ६२ लाख र नेशनल लाइफले २२ करोड ५८ लाख रुपैयाँ धेरै बीमाशुल्क संकलन गरेका छन् ।
| Life Insurance Premium Collection (in crore) | ||||
| S.N. | Name | Jestha 2079 | Baisak 2079 | Change |
| 1 | Nepal Life Insurance | 232.0995 | 198.4429 | 33.6566 |
| 2 | Life Insurance Co. | 126.5465 | 106.9172 | 19.6293 |
| 3 | National Life Insurance | 108.8438 | 86.2562 | 22.5876 |
| 4 | Asian Life Insurance | 44.0028 | 40.0582 | 3.9446 |
| 5 | Met Life Insurance | 40.838 | 34.0232 | 6.8148 |
| 6 | Union Life Insurance | 40.4957 | 37.1065 | 3.3892 |
| 7 | Citizen Life Insurance | 35.0632 | 35.7874 | -0.7242 |
| 8 | Jyoti Life Insurance | 33.2315 | 25.6021 | 7.6294 |
| 9 | Surya Life Insurance | 32.446 | 29.2038 | 3.2422 |
| 10 | Prime Life Insurance | 30.3276 | 25.4667 | 4.8609 |
| 11 | IME Life Insurance | 28.6719 | 17.8842 | 10.7877 |
| 12 | Sun Nepal Life Insurance | 26.8611 | 22.6099 | 4.2512 |
| 13 | Rastriya Beema Sansthan | 25.3805 | 25.7187 | -0.3382 |
| 14 | Reliable Nepal Life Insurance | 22.412 | 22.4318 | -0.0198 |
| 15 | Gurans Life Insurance | 19.4078 | 20.5381 | -1.1303 |
| 16 | Reliance Life Insurance | 19.0734 | 22.5339 | -3.4605 |
| 17 | Mahalaxmi Life Insurance | 16.8771 | 10.3926 | 6.4845 |
| 18 | Sanima Life Insurance | 15.3317 | 15.2456 | 0.0861 |
| 19 | Prabhu Life Insurance | 9.6923 | 9.9785 | -0.2862 |
| Total | 907.6024 | 786.2 | 121.4024 | |
तथ्याङ्क अनुसार एशियन लाइफले ४४ करोड २८ हजार रूपैयाँ बीमाशुलक संकलन गर्दा मेट लाइफले ४० करोड ८३ लाख, युनियन लाइफले ४० करोड ४९ लाख, सिटिजन्स लाइफ ३५ करोड ६ लाख, ज्योति लाइफ ३३ करोड २३ लाख, सूर्या लाइफ ३२ करोड ४४ लाख र प्राइम लाइफ इन्स्योरेन्सले जेठ महिनामा ३० करोड ३२ लाख रुपैयाँ कुल बीमा शुल्क संकलन गरेको छ ।
बाँकी ९ कम्पनीको जेठमा संकलन भएको बीमा शुल्क संकलन ३० करोडभन्दा कम छ । जेठ महिनामा आईएमई लाइफ इन्स्योरेन्स २८ करोड ६७ लाख, सन नेपाल लाइफ इन्स्योरेन्सले २६ करोड ८६ लाख, राष्ट्रिय बीमा संस्थानले २५ कोड ३८ लाख र रिलायबल नेपाल लाइफ २२ करोड ४१ लाख रुपैयाँ कुल बीमा शुल्क संकलन गरेका छन् ।
यसैगरी गुराँस लाइफ इन्स्योरेन्सले १९ करोड ४० लाख, रिलायन्स लाइफ १९ करोड ७ लाख, महालक्ष्मी लाइफ इन्स्योरेन्स १६ करोड ८७ लाख, सानिमा लाइफ इन्स्योरेन्सले १५ करोड ३३ लाख, र प्रभु लाइफले जेठ महिनामा सबैभन्दा कम ९ करोड ६९ लाख रुपैयाँ कुल बीमा शुल्क संकलन गरेको छ ।
? समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।
About Us
प्रतिक्रिया