भारतको महिन्द्रा एन्ड महिन्द्रामा ब्रिटिश कम्पनीले ३१ अर्ब लगानी गर्ने

भारतीय अटोमेकर कम्पनी महिन्द्रा एन्ड महिन्द्रामा ब्रिटिश इन्टरनेशनल इन्भेष्टमेन्ट (बीइइ) कम्पनीले २५० मिलियन डलर अर्थात् नेरु. ३१ अर्ब बढी लगानी गर्ने भएको छ ।

महिन्द्रा एन्ड महिन्द्राले विद्युतीय सवारी साधनको उत्पादन वृद्धि गर्नका लागि नयाँ विद्युतीय सवारी कम्पनी निर्माण गरेको छ । बीइइले कम्पनीको भ्यालुयसन ९.१ बिलियन गरी उक्त लगानी गरेको हो । नयाँ कम्पनीमा बीइइको हिस्सा ४.८ प्रतिशत हुने छ भने कम्पनी सञ्चालन महिन्द्रा एन्ड महिन्द्राकै नेतृत्वमा हुनेछ ।

बीइइले लगानी गरेको खुलासा भएसँगै महिन्द्रको सेयर ५.४ प्रतिशतले वृद्धि हुँदा अहिले सम्मकै उच्च १ हजार १ सय ९४ दशमलब ९ पैसा प्रति कित्ता हुन पुगेको छ।

महिन्द्राले बीइइबाट प्राप्त रकमले विद्युतीय एसयुभीको उत्पादन बढाउने र उत्पादन बढाउनको लागि आपूर्ति व्यवस्थापन गर्ने जनाएको छ ।

महिन्द्रा अटो एन्ड फार्म सेक्टरका कार्यकारी निर्देशक राजेश जेजुरिकरले उक्त सहयोगबाट सन् २०२७को अवधिमा विद्युतीय एसयुभी कारहरुको संङ्ख्या २० देखि ३० प्रतिशतले वृद्धि हुने बताएका छन् ।

समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।