डलर शक्तिशाली भएसँगै एसियाली कम्पनीलाई ऋण भुक्तानी गर्न मुश्किल

चार दशक यताकै उच्च भएको मुद्रास्फीति नियन्त्रण गर्नको लागि अमेरिकी केन्द्रीय बैंकले औसत ब्याज दर बढाउँदा डलर दुई दशक यताकै उच्च भएको छ । शक्तिशाली डलर र ब्याजदरमा आएको वृद्धिले डलरमा ऋण लिएका एसियाली कम्पनीहरुलाई भुक्तानी गर्न मुश्किल परेको अनुमान गरिएको छ ।

समाचार माध्यम रोयटर्सले १७०० एसियाली कम्पनीहरुमा गरेको सर्वेक्षणमा ऋणको ब्याज भुक्तानी गर्न सक्षम कम्पनीहरुको सङ्ख्या ५.१ प्रतिशत रहेको छ । यो तथ्यांक कोभिड–१९ ले उद्योग, कारखाना बन्द हुँदा समेत आएको थिएन । चीन, दक्षिण कोरिया, इन्डोनेसिया, भियतनामका कम्पनीहरुले नै ऋणको ब्याज भुक्तानी गर्न नसक्ने अवस्था आएपछि उक्त प्रक्षेपण गरिएको हो ।

गत वर्ष एसियाली कम्पनीहरुले समग्र रुपमा ३ खर्ब ३८ अर्ब डलर तथा युरो बराबरको ऋण लिएका थिए । सन् २०२१ मा शून्य प्रतिशत ब्याजदर हुँदा लिएको ऋण सन् २०२२को अन्तय सम्ममा औसत ब्याजदर बढ्दा ६७ खर्ब डलर हुन पुग्छ। एसियाली कम्पनीहरुले पर्याप्त मात्रामा उत्पादन तथा निर्यात गर्न नसक्नु र डलर थप शक्तिशाली हुँदै जानुले कम्पनीहरुलाई ऋण भुक्तानी गर्न थप समस्या परेको छ ।

रुस–युक्रेन युद्धका कारण इन्धन तथा कच्चा पदार्थको मूल्य आकाशिँदा उपभोक्ताहरुमा मारमा पर्ने हुँदा कम्पनीहरुले कम मार्जिन राखी बिक्री गरिरहेका छन् । यसै सम्बन्धमा एस एन्ड पीका ग्लोबल विश्लेषक जेबिएर जीनले विगत पाँच वर्षदेखि ब्याजदर कम हुँदा मुद्रा शक्तिशाली भएको थिएन र डलर बाहेकका मुद्राहरु अवमूल्यन भएका थिएनन् । ब्याजदर बढेसँगै डलर शक्तिशाली भएपछि अरु मुद्रा अवमूल्यन हुन पुगेको र आर्थिक अवस्था कमजोर रहेको बताएका छन् ।

मुद्रास्फीतिसँग जुझिरहेका एसियाली राष्ट्रहरु मध्ये इन्डोनेसियाका कम्पनीहरुले सन् २०२२मा वैदेशिक मुद्रामा ऋण भुक्तानी गर्न सक्ने प्रतिशत नकरात्मक रहेको छ । सन् २०२१मा वैदेशिक मुद्रामा लिएको ऋण भुक्तानी गर्न २५.१३ प्रतिशत इन्डोनेसियाली कम्पनीहरु सक्षम थिए भने अहिलेको वर्तमान अवस्थामा उक्त तथ्यांक –४.१० प्रतिशत रहेको जीनले बताएका छन् ।

यसैगरी सन् २०२१मा ५.१० प्रतिशत चिनियाँ कम्पनीहरुले वैदेशिक ऋण भुक्तानी गर्न सक्थे भने सन् २०२२मा ३.०२ प्रतिशत कम्पनीले भुक्तानी गर्न सक्षम रहेका छन् । ब्याजदरमा वृद्धि भएपछि डलरमा कर्जा लिने कम्पनीहरुको सङ्ख्यामा पनि कमी आएको छ ।

समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।